حساب تكلفة 12 عامود خامات ومصنعيات قطاع العامود #قطاع_العامود_.25*.80*2.50

#ساعة_خرسانة الحصر السريع لاي منشأ : كتير بيواجهنا السؤال دا عندي ارض يا بشمهندس وعايز ابني دورين او تلاتة تتكلف كام؟!! طبعا مفيش لوح ولا اي تصميم هو عايز يعرف ميزانيته عشان يبدأ او لا بتشوف مساحة الارض اد ايه ولتكن 100 م2 وتسأله لو عايز السقف بكمر ساقط ولا من غير كمر طبعا متقولوش سولد او فلات احسن يجري وراك.. بعد ما عرفت نظامة الانشائي ايه عرفت تقريبيا سمك البلاطة لو هنشتغل علي السولد اضرب في0.12 ولو فلات 0.16 كدا كعبت السقف خرسانات ملحوظة لو سولد زود 30 % للكمر يعني بعد ما تكعب السقف اضرب في 1.3 دا بالنسبة للسقف والكمر نيجي للعمدان اقسم مساحة الارض علي 10 وزود عمود مثلا ارض 100 محتاجه 11 عمود في الشغل البلدي بيتكعب العمود الواحد متر مكعب حتى ولو ابعاده 30* 50 واحنا هنكعبه متر كذلك لان هالك الخرسانة لما تيجي تصب في العمدان كتير ننزل للاساسات هنحسب القواعد كلها على 1.5 *1.50 *0.5 دي مسلحة طبعا مش كل القواعد مقاساتها واحد فيه اصغر وفيه اكبر انا فرضت بعد يشيل الزيادة والنقصان تعالى نحسب الكميات عندك متر مكعب مسلحة بياخد 7 شكاير و0.4 رمل و0.8 زلط او سن وعادية 5 شكاير بنفس نسب الرمل والزلط اما الحديد فعندك المتر مكعب بياخد من 90 -100 كجم للسولد من 100_120 كجم فلات 130-140 هولو تكلفة مواد ومصنعيات سعر طن الحديد سعر طن الاسمنت سعرالمتر المكعب رمل سعر المتر المكعب سن مصنعية نجارة وحدادة كدا انت حسبت للمتر الواحد شف تكعبتك كام واضربها في تكلفة المتر