ಬಾಲಣ್ಣ | A Pioneer in Yakshagana Costumes and Makeup | Short Biography

ಬಡಗುತಿಟ್ಟಿನ ಯಕ್ಷಗಾನ ವೇಷಭೂಷಣ ತಯಾರಕ ಹಾಗೂ ಪ್ರಸಾದನ ಕರ್ಮಿ ಬಾಲಕೃಷ್ಣ ನಾಯಕ್ ರವರ ಕಲೆ ಮತ್ತು ಬದುಕು . ಶ್ರೀಯುತ ನಾಯಕರು ೨೫.೧. ೧೯೪೯ ರಂದು ಶ್ರೀ ಹಂದಾಡಿ ನಾಗಪ್ಪ ನಾಯಕ್ ಮತ್ತು ಶ್ರೀಮತಿ ಲಕ್ಷ್ಮೀಬಾಯಿ ದಂಪತಿಗಳಿಗೆ ಮಗನಾಗಿ ಜನಿಸಿದರು. ಇವರ ತಂದೆ ಚಿಕ್ಕ ಹೋಟೆಲ್ ನಡೆಸುತ್ತಾ ಜೀವನ ಸಾಗಿಸುತ್ತಿದ್ದರು. ಇವರ ತಾಯಿಯ ತಂದೆ ಶ್ರೀ ಚಂದು ನಾಯಕರು ಮಾರಣಕಟ್ಟೆ ಮೇಳದಲ್ಲಿ ಹಾಸ್ಯಗಾರರಾಗಿದ್ದರು. ಹಾಗಾಗಿ ಚಿಕ್ಕಂದಿನಿಂದಲೇ ಇವರಿಗೆ ಯಕ್ಷಗಾನದಲ್ಲಿ ಆಸಕ್ತಿ ಹುಟ್ಟಿತು. ೧೮ ನೇ ವಯಸ್ಸಿನಲ್ಲಿಯೇ ಯಕ್ಷಗಾನದ ಪಾತ್ರಗಳನ್ನೂ ಮಾಡುತ್ತಾ ಖ್ಯಾತ ಯಕ್ಷಗಾನ ತಜ್ಞ ಹಂದಾಡಿ ಸುಬ್ಬಣ್ಣ ಭಟ್ಟರಿಂದ ಮೇಕಪ್ ಕಲೆಯನ್ನು ಕರಗತ ಮಾಡಿಕೊಂಡರು. ಜೊತೆಗೆ ಸೋದರ ಮಾವ ಶ್ರೀ ಉಪೇಂದ್ರ ನಾಯಕರ ವೇಷಭೂಷಣ ತಯಾರಿಕಾ ಗರಡಿಯಲ್ಲಿ ಪಳಗಿ ಅದನ್ನೇ ತನ್ನ ವೃತ್ತಿಯನ್ನಾಗಿ ಸ್ವೀಕರಿಸಿದರು. ನಂತರ ೧೯೯೧ ರಲ್ಲಿ ಶ್ರೀ ಗಜಾನನ ಯಕ್ಷಗಾನ ಸಂಘ ಎಂಬ ಸಂಸ್ಥೆಯನ್ನು ಸ್ಥಾಪಿಸಿದರು. ಉಡುಪಿ ಯಕ್ಷಗಾನ ಕೇಂದ್ರದಿಂದ ಕಲ್ಕತ್ತ ದೆಹಲಿ ಊಟಿ ಚೆನ್ನೈ ಉಜ್ಜಯಿನಿ ಖಜರಾಹೋ ಮುಂತಾದ ಕಡೆಗಳಲ್ಲಿ ತಮ್ಮ ತಂಡದೊಂದಿಗೆ ಕಾರ್ಯಕ್ರಮಗಳನ್ನು ನೀಡಿದ್ದಾರೆ . ಹಗಲು ಇರುಳು ಎನ್ನದೇ ಯಕ್ಷಗಾನದ ವೇಷಭೂಷಣ ತಯಾರಿಕೆಯಲ್ಲಿ ಸುಖ ಸಂತೋಷ ಕಾಣುವ ಶ್ರೀಯುತರು ಪರಿಸರದ ಹಲವಾರು ಯುವಕರಿಗೆ ತಮ್ಮ ಸಂಘದಲ್ಲಿ ಉದ್ಯೋಗ ದೊರಕಿಸಿ ಕೊಟ್ಟಿದ್ದಾರೆ. ಅದಕ್ಕಾಗಿಯೇ ಇವರು ಕರಾವಳಿ ಯಕ್ಷಗಾನ ಕ್ಷೇತ್ರದಲ್ಲಿ ಬಾಲಣ್ಣ ಎಂದೇ ಪ್ರೀತಿಯಿಂದ ಗುರುತಿಸಲ್ಪಟ್ಟಿದ್ದಾರೆ. ಹಾಗೇ ಅಸಂಖ್ಯ ಅಭಿಮಾನಿಗಳನ್ನು ಹೊಂದಿದ್ದಾರೆ. ಇವರು ಯುವಕರಿಗೆ ಯಕ್ಷಗಾನ ವೇಷಭೂಷಣ ತಯಾರಿಕೆಯ ಬಗ್ಗೆ ತರಬೇತಿ ನೀಡುತ್ತಾ ಹೆಚ್ಚಿನ ಪ್ರೋತ್ಸಾಹ ನೀಡಿ ಉದ್ಯೋಗ ಕಲ್ಪಿಸಿದ್ದಾರೆ Thanks Balakrishna Nayak & Family Title Yakshagana Song Shankara Bhat Brahmooru Cover Photography Karthik S Kargallu Please share and subscribe the channel if you like the content. Thanks for watching. Created By Mahesh Thejaswi For enquery please message on Instagram   / sushira2020