倪晨曦終正式補辦婚宴 順道為細仔舉行百日宴

倪晨曦終正式補辦婚宴 順道為細仔舉行百日宴 曾參加國際華裔小姐競選嘅 倪晨曦 2020年初同任職金融界嘅老公喺夏威夷成婚之後，就因為疫情而一直未能安排婚宴舉行，之後Elva同老公分別喺20年底同今年初生咗兩個囝囝，直至疫情早前放緩，Elva就喺3月26號喺一間五星級酒店正式舉辦佢哋嘅婚宴喇。 呢日唔少親友都有到場祝賀Elva同老公Vincent嘅婚禮同細囝百日宴，好似專注內地發展嘅 Janice Man 同 沈卓盈 麥秋成 湯怡 夫婦 支嚳儀 湯洛雯 等等都先後現身，Elva仲同老公大囝以熱舞歡迎來賓，非常有趣。 Janice事後就話場內氣氛非常溫馨，自己仲一度忍唔住喊咗出嚟，仲話要學習吓佢哋三年抱兩嘅高效率呀。帶埋小朋到場嘅支嚳儀，就話當年因為坐月錯過佢哋夏威夷婚禮，估唔到婚宴一等就3年時間，仲大讚Elva安排晒小朋友場地同飲食呀。 新郎哥Vincent亦同Elva經理人安排驚喜，邀請咗唔少好朋友預早拍攝短片喺現場播出，而佢現場發表感言仲非常幽默，令唔少賓客都忍俊不禁呀。夫妻拍檔出席嘅麥秋成同湯怡，一樣話Vincent夠晒幽默，已為父母嘅佢哋，就話就快兩歲大嘅囡囡麥QQ搶手袋唔想父母出門呀。 已經好耐冇喺幕前同大家見面嘅沈大師，呢日就急急腳離場，原來工人姐姐離職後，佢就要同老公Calvin輪流照顧5月就兩歲嘅囝囝，所以呢日就一樣要返去陪小朋友唔可以盡興喇。 #倪晨曦 #婚宴 #百日宴 #文詠珊 #支嚳儀 #麥秋成 #湯怡 #沈卓盈 #三年抱兩 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0