Həsrət TV-də “Həsrət və Ümid” verilişi — Vətən müharibəsi qazisi Qurbanov Əbülfət Tanverdi oğlu

Qərbi Azərbaycan torpaqlarından deportasiya olunmuş soydaşlarımızın xatirələri, yaşadıqları həsrət dolu anlar və gələcəyə dair ümidləri bu verilişdə işıqlandırılır. “Həsrət və Ümid” vasitəsilə həm tariximizi anlamaq, həm də Qərbi Azərbaycana olan sevgi və bağlılığımızı bir daha hiss etmək mümkündür. Verilişdə soydaşlarımızın xatirələri, tarixi faktlar və şəxsi hekayələr vasitəsilə Qarabağ və Qərbi Azərbaycan mövzusu ilə bağlı dərin duyğular və aktual məlumatlar təqdim olunur. “Həsrət və Ümid” verilişinin bugünkü qonağı 15 sentyabr 2000-ci ildə anadan olmuş Vətən müharibəsi qazisi Qurbanov Əbülfət Tanverdi oğludur. O, 10 oktyabr 2020-ci il tarixində Vətən müharibəsində iştirak etmək üçün cəbhəyə yollanmış, şərəfli döyüş yolu keçmişdir. 2 noyabr 2020-ci ildə Laçın istiqamətində gedən ağır döyüşlər zamanı qəhrəmancasına vuruşarkən hər iki ayağından ağır yaralanmışdır. Əbülfət Qurbanovun ailəsi Qərbi Azərbaycanın Vedibasar mahalının Xalisa kəndindəndir.