Nils Aslak Valkeapää - Áillohaš - 60% ja Halleluja

Lávllateaksta vuolábealde ---------- Dá lea Áillohaččas lávlla mii mu dieđu mielde ii leat almmuhuvvon. In dieđde mii dan lávlaga duohta namma lea, nu ahte bidjen "60% ja Halleluja" bajilčállagin. Jus dus leat eanet dieđut dán birra, cavgil áinnas kommentárain dás vuolde. ****************** Lea Norggas Oljo- ja Fiskeribáŋkku, Gonagasriika gos Vikiŋggat leat Lea Kekkonen suomas, ja duháhiin jávrriid, ja meahcci lea golli mii ruoná nu lea Ja Ruoŧas ipmil lea eallindássi ja sosialisma ja Demokraterna ja Palme vázzá ja čájeha min lea USA stállu ja lea Vietnam ja Chile Dán máilmmis galggašii vuoigatvuohta addot maid návccahis álbmogiidda Ja Davvi Riikat dan hal gal cuigot jus máilmmis fal gávdno vearrivuohta Muhto oidnet go sii maid ieža leat dahkan, movt meannudan sámiin ja sápmelaččain Lea Lassinantti ja son han goit dadjá nu buorre lea Ruoŧas dan sápmelačča Dat eanan maid ieža mii gohčodit Sápmin, gos mis leat duovdagat, orohagat Dan jearrá go vattenfal(?) Iešjávrre jurdagat gulaše duokkáraš jallodaga Dan jearrá go dadjá jus livččii dat min ja dadjá go NATO ahte sápmi lea ráfi Ja oktasaš buorre lea álbmoga buorre, dat guoská maid Girona málmmahaga Saariselkä gávpogiin, Ohcovuomi jávrriin dat lasiha álbmoga opmodaga Eanet ja lasi ja vel ovdáneapmi, álkit ja buoret ja vel teknihkka Ja hoahppu mii hoahppu vai birgelii buorebut, ruhta ja gudni ja eallindássi Ja áiggi johttu lea sekunddas gitta ja áiggi sátni lea SuperMaksi(?) Olmmoš mii johttá ja mii meahcis eallá, guoli jus bivdá jus meahcástallá Moadde vel gusa, sávzza ja gáicca, eanan go sin lea geat eai oro ge Jus de vel livččii nu dárbu go diehtit, sii han leat ožžon dan ovddas ja eanet Sii han galggaše leahket nu giitevaččat ja rámidit oahpuid ja ovdáneami Go árpmihe báhkina surgadis eallimis, oahpahe árpmu ja ráhkisvuođa Sii háliide lasi, ja mis ledje moadde, ja danin sii válde dan joavdelasa Sii válde min eatnama, jogaid ja jávrriid, ja válde vel ruostadis ruovdegeđggiid Sii válde min guoikkaid, ja buđđo min čáziid, ja ráinnasin rábaste muorain mehciid Leat boahtán geainnut ja lea ruovdeluodda, leat boahtán biillat ja motorgielkkát Daid buvttiimet deike ja buvttiimet skuvlla, ja buvttiimet olles dán ođđa áiggi Ja buvttiimet oskku, vai oažžubet árpmu ja jápmima maŋŋái nu buorre vel lea Go eŋgelat lávlot ja básuvnnat čuojahit agálašvuođa ja ándagassii Ná muittiimet olbmuid agálaš dárbbuid ja mii han leat buktán suohttasa ge Go muittiimet maiddai suruhis olbmo ja buvttiimet dan dihte jugástaga Nu lehpet dál gullan duoid čuožžilis namaid mat beaivvi maid ožžot sin mojohallat Lea Lapin Kulta ja monopola, brennevina ja Koskenkorva Vel eanet go sáhtášii álbmogii addit go seaksti proseantta ja halleluja go seaksti proseantta ja halleluja