رسالة من القلب لأي شخص بيصارع نفسيًا وبيفكر يتوجه للعلاج النفسي!

أنا رحلتي بدأت من ٢٠١٥ ولحد النهاردة واختبرت تجارب علاجية كتير(عدد كبير جدًا من الجلسات الفردية والجماعية) وفي منها اللي ساعدني أتصل بنفسي واكسر حالة جمود وهروب كنت دايمًا عايش فيها، ففهمت ووعيت بفضل الله بأساس الصدمات النفسية اللي نسجت حالة من الكتمان والرفض الدائم للمشاعر بدواعي عدم الأمان وواحدة واحدة اشتغلت على ده فسيولوجيًا لما ووعيت واتصلت بالتغيرات والتشجنات العضلية اللي بتحصل في جسمي كرد فعل غريزي وسريع تجاه استثارة اي مشاعر ليها ذكريات مؤسفة في نشأتي والجسم هو من أفضل أدوات الاتصال بالمشاعر لأن هو لا يتشنج الا في وجود مشاعر كان الأمان وأنا صغير في كتمانها للنجاة وعدم خسارة الأتصال الأمن بالمربيين وأصحاب الرعاية ولذلك التعافي بتاعي كان قائم على بناء علاقة واعية بالجسم والعقل كمان بيتفنن بكسر الأتصال بالحاضر من خلال التشتيت والتفكير والتحليل واستباق النتايج، وواحدة واحدة في الحاضر بنيت ثقة من خلال تجارب جديدة ومواجهات متدرجة في الحدة وقبول النازل قبل الطالع وقبول ان الحاضر لا مفر ان يحتوي على قدر من عدم الراحة ولكن ده ارحم مليون مرة من استنزاف الهروب الذي لا ينتهي. وعملت اعادة تدريب لدماغي وجهازي العصبي (بفضل الله) في أوقات الاستثارة والتحفيز وقرآت عشرات الكتب لجابور ماتيه و بسل فاندر كولك وبروس بيري وايكارت تول وجيمس كلير وستانلي كيلمان وناس تانية كتير شكلت وعيي وإتعلمت وادربت على يد ناس قوية اثرت فيا وساعدتني اكون انسان أكثر مع نفسي ولذلك أنا شفت بنفسي ازاي في فرصة حقيقية للشغل على جذور الاضطراب وليس تسكين أو تمييع الأعراض بالأدوية وده شغفي وراء توعية الناس....رغبة في اني اشوف ناس كتير متحررة ومتعافية