Ethiopia | 5 ለስትሮክ የሚያጋልጡ ተግባሮች! ይጠንቀቁ!

ለስትሮክ ከሚያጋልጡ ነገሮች ዋነኞቹ ፡- • ከፍተኛ የደም ግፊት • ከፍተኛ የኮሌስትሮል መጠን • ሲጋራ ማጨስ • የስኳር ህመም • የዕድሜ መግፋ ናቸው፡፡ የስትሮክ ምልክቶች የአንጎል ሕዋሳት የኦክስጅን እጥረት ሲያጋጥማቸው የተለመደ ስራቸውን ማከናወን ያቆማሉ፡፡ ስትሮክን ተከትሎ የሚመጡ የበሽታው ምልክቶች በተጎዳው የአንጎል ክፍልና ጉዳት በደረሰበት የአንጎል ህብረ ህዋስ መጠን ላይ የተመሰረቱ ናቸው፡፡ አነስተኛ ስትሮክ ምንም አይነት የበሽታ ምልክት ላያሣይ ይችላል፡፡ ይሁንና የአንጎል ህብረ ህዋስን ሊጎዳ ይችላል፡፡ አምስት ዋነኛ የስትሮክ ምልክቶች አሉ፡፡ 1. በአንድ የሰውነት ጎን የሚያጋጥም ድንገተኛ የፊት፣ የእጅ ወይም የእግር ድንዛዜ ወይም ዝለት ነው፡፡ 2. በድንገት ግራ መጋባት፤ ለመረዳት ወይም ለመናገር መቸገር፤ አንዳንዴም በፊት ጡንቻዎች ላይ የሚፈጠረው ዝለት መንዘፍዘፍን ሊያስከትል ይችላል፡፡ 3. በድንገት በአንድ ወይም በሁለት አይኖች ለማየት መቸገር 4. በድንገት ለመራመድ መቸገር፤ ራስ ማዞር ወይም ሚዛን መጠበቅ አለመቻል፡፡ 5. ምንም አይነት መንስኤ የሌለው ድንገቴ የራስ ምታት መፈጠር ናቸው፡፡ ስትሮክ ሲያጋጥም ምን ማድረግ አለብን ከላይ የተጠቀሱት የበሽታው ምልክቶች በድንገት ሲያጋጥሙ የድንገተኛ ጊዜ ህክምና ማግኘት ያስፈልጋል፡፡ በዚህ ሳያበቃም ወደ ሆስፒታል ተወስዶ ህክምና ማድረግ አለበት፡፡ አንቡላንስ እስከሚመጣ ድረስ የሚከተሉትን እርዳታዎች ማድረግ እንችላለን፡- • ጉዳት የደረሰበት ሰው ደም ወደ አንጎሉ እንዲፈስ በጀርባው መንጋለል አለበት፤ • ራሱን ካዞረው፣ ምላሽ መስጠት ካልቻለ ወይም ካቅለሸለሸው እንዳይታፈን በጎኑ መጋደም አለበት፤ • አስፕሪን ስትሮኩን ለመከላከል ትልቅ ሚና ቢጫወትም የበሽታው ምልክቶች መታየት እንደጀመሩ ህመምተኛው ተጨማሪ ህክምና እስከሚያገኝ ተጨማሪ አስፕሪን ባይወስድ ይመረጣል፡፡ #Ethiopia #Health #Stroke