Dhanalakshmi Stotram—(Brings In Financial Stability Generating More Income)-Dhanada Lakshmi Stotram

śrīdhanadā uvāca- devī devamupāgamya nīlakaṇṭhaṃ mama priyam . kṛpayā pārvatī prāha śaṅkaraṃ karuṇākaram .. 1.. śrīdevyuvāca- brūhi vallabha sādhūnāṃ daridrāṇāṃ kuṭumbinām . daridra-dalanopāyamañjasaiva dhanapradam .. 2.. śrīśiva uvāca- pūjayan pārvatīvākyamidamāha maheśvaraḥ . ucitaṃ jagadambāsi tava bhūtānukampayā .. 3.. sasītaṃ sānujaṃ rāmaṃ sāñjaneyaṃ sahānugam . praṇamya paramānandaṃ vakṣye'haṃ stotramuttamam .. 4.. dhanadaṃ śraddadhānānāṃ sadyaḥ sulabhakārakam . yogakṣemakaraṃ satyaṃ satyameva vaco mama .. 5.. paṭhantaḥ pāṭhayanto'pi brāhmaṇairāstikottamaiḥ . dhanalābho bhavedāśu nāśameti daridratā .. 6.. bhūbhavāṃśabhavāṃ bhūtyai bhaktikalpalatāṃ śubhām . prārthayettāṃ yathākāmaṃ kāmadhenusvarūpiṇīm .. 7.. dharmade dhanade devi dānaśīle dayākare . tvaṃ prasīda maheśāni! yadarthaṃ prārthayāmyaham .. 8.. dharāmarapriye puṇye dhanye dhanadapūjite . sudhanaṃ dhārmikaṃ dehi yajamānāya satvaram .. 9.. var yajanāya susatvaram ramye rudrapriye rūpe rāmarūpe ratipriye . śikhīsakhamanomūrtte prasīda praṇate mayi .. 10.. var śaśiprabhamanomūrte ārakta-caraṇāmbhoje siddhi-sarvārthadāyike . var siddhasarvāṅgabhūṣite divyāmbaradhare divye divyamālyopaśobhite .. 11.. samastaguṇasampanne sarvalakṣaṇalakṣite . (adhikapāṭha. jātarūpamaṇīndvādi-bhūṣite bhūmibhūṣite .) śaraccandramukhe nīle nīla-nīraja-locane .. 12.. cañcarīkacamū-cāru-śrīhāra-kuṭilālake . matte bhagavati mātaḥ kalakaṇṭharavāmṛte .. 13.. var mukhāmṛte hāsāvalokanairdivyairbhaktacintāpahārike . rūpa-lāvaṇya-tārūṇya-kārūṇya-guṇabhājane .. 14.. kvaṇatkaṅkaṇamañjīre lasallīlākarāmbuje . rudraprakāśite tattve dharmādhāre dharālaye .. 15.. prayaccha yajamānāya dhanaṃ dharmaikasādhanam . mātastvaṃ me'vilambena diśasva jagadambike .. 16.. var mātarme māvi kṛpayā karuṇāgāre prārthitaṃ kuru me śubhe . vasudhe vasudhārūpe vasu-vāsava-vandite .. 17.. dhanade yajamānāya varade varadā bhava . var yajanāyaiva brahmaṇyairbrāhmaṇaiḥ pūjye pārvatīśivaśaṅkare .. 18.. stotraṃ daridratāvyādhiśamanaṃ sudhanapradam . śrīkare śaṅkare śrīde prasīda mayi kiṅkare .. 19.. pārvatīśaprasādena sureśa-kiṅkareritam . śraddhayā ye paṭhiṣyanti pāṭhayiṣyanti bhaktitaḥ .. 20.. sahasramayutaṃ lakṣaṃ dhanalābho bhaved dhruvam . dhanadāya namastubhyaṃ nidhipadmādhipāya ca . bhavantu tvatprasādānme dhana-dhānyādisampadaḥ .. 21.. श्रीधनदा उवाच- देवी देवमुपागम्य नीलकण्ठं मम प्रियम् । कृपया पार्वती प्राह शङ्करं करुणाकरम् ॥ १॥ श्रीदेव्युवाच- ब्रूहि वल्लभ साधूनां दरिद्राणां कुटुम्बिनाम् । दरिद्र-दलनोपायमञ्जसैव धनप्रदम् ॥ २॥ श्रीशिव उवाच- पूजयन् पार्वतीवाक्यमिदमाह महेश्वरः । उचितं जगदम्बासि तव भूतानुकम्पया ॥ ३॥ ससीतं सानुजं रामं साञ्जनेयं सहानुगम् । प्रणम्य परमानन्दं वक्ष्येऽहं स्तोत्रमुत्तमम् ॥ ४॥ धनदं श्रद्दधानानां सद्यः सुलभकारकम् । योगक्षेमकरं सत्यं सत्यमेव वचो मम ॥ ५॥ पठन्तः पाठयन्तोऽपि ब्राह्मणैरास्तिकोत्तमैः । धनलाभो भवेदाशु नाशमेति दरिद्रता ॥ ६॥ भूभवांशभवां भूत्यै भक्तिकल्पलतां शुभाम् । प्रार्थयेत्तां यथाकामं कामधेनुस्वरूपिणीम् ॥ ७॥ धर्मदे धनदे देवि दानशीले दयाकरे । त्वं प्रसीद महेशानि! यदर्थं प्रार्थयाम्यहम् ॥ ८॥ धरामरप्रिये पुण्ये धन्ये धनदपूजिते । सुधनं धार्मिकं देहि यजमानाय सत्वरम् ॥ ९॥ var यजनाय सुसत्वरम् रम्ये रुद्रप्रिये रूपे रामरूपे रतिप्रिये । शिखीसखमनोमूर्त्ते प्रसीद प्रणते मयि ॥ १०॥ var शशिप्रभमनोमूर्ते आरक्त-चरणाम्भोजे सिद्धि-सर्वार्थदायिके । var सिद्धसर्वाङ्गभूषिते दिव्याम्बरधरे दिव्ये दिव्यमाल्योपशोभिते ॥ ११॥ समस्तगुणसम्पन्ने सर्वलक्षणलक्षिते । (अधिकपाठ. जातरूपमणीन्द्वादि-भूषिते भूमिभूषिते ।) शरच्चन्द्रमुखे नीले नील-नीरज-लोचने ॥ १२॥ चञ्चरीकचमू-चारु-श्रीहार-कुटिलालके । मत्ते भगवति मातः कलकण्ठरवामृते ॥ १३॥ var मुखामृते हासावलोकनैर्दिव्यैर्भक्तचिन्तापहारिके । रूप-लावण्य-तारूण्य-कारूण्य-गुणभाजने ॥ १४॥ क्वणत्कङ्कणमञ्जीरे लसल्लीलाकराम्बुजे । रुद्रप्रकाशिते तत्त्वे धर्माधारे धरालये ॥ १५॥ प्रयच्छ यजमानाय धनं धर्मैकसाधनम् । मातस्त्वं मेऽविलम्बेन दिशस्व जगदम्बिके ॥ १६॥ var मातर्मे मावि कृपया करुणागारे प्रार्थितं कुरु मे शुभे । वसुधे वसुधारूपे वसु-वासव-वन्दिते ॥ १७॥ धनदे यजमानाय वरदे वरदा भव । var यजनायैव ब्रह्मण्यैर्ब्राह्मणैः पूज्ये पार्वतीशिवशङ्करे ॥ १८॥ var ब्रह्मण्ये ब्राह्मणे स्तोत्रं दरिद्रताव्याधिशमनं सुधनप्रदम् । श्रीकरे शङ्करे श्रीदे प्रसीद मयि किङ्करे ॥ १९॥ पार्वतीशप्रसादेन सुरेश-किङ्करेरितम् । श्रद्धया ये पठिष्यन्ति पाठयिष्यन्ति भक्तितः ॥ २०॥ सहस्रमयुतं लक्षं धनलाभो भवेद् ध्रुवम् । धनदाय नमस्तुभ्यं निधिपद्माधिपाय च । भवन्तु त्वत्प्रसादान्मे धन-धान्यादिसम्पदः ॥ २१॥