Kepa Bastida: "Bost urteko prozesuaren ostean, lortu dugu Lana eta Etorkik proiektu berria abiatzea"

Kepa Bastida Sasiain da Lana-Etorki kooperatibako zuzendari-kudeatzailea. Lana kooperatibak bi planta izan ditu orain gutxira arte: Oñatiko planta eta Txekiakoa eta enkofraturako egurrezko panelak zein habeak eta pelleta egin ditu. Orain, Aiaraldean kokatzen den Etorki kooperatibarekin bat egin eta, batera, 67 milioi euroko inbertsioa suposatu duen instalazio berria jarri dute martxan Murga herrian.