Report TV - Paulin Sterkaj ankohet për gjobat te Kuvendi, Rama: Eja ikim në këmbë

Gjatë mbledhjes së PS, Paulin Sterkaj është ankuar për parkimin e makinave kur zhvillohen seancat parlamentare, pasi tha se gjobiten nga Policia. “Kur shkojmë në Kuvend nuk kemi kushte për të parkuar, na vendosin gjoba. Jemi gati ta paguajmë dhe të jetë me pagesë. Por të na krijohen kushtet” tha ai. Në këtë moment ka ndërhyrë Rama duke propozuar që të shkojnë në këmbë në Kuvend. “Gjobat janë njësoj për të gjithë. Paulin shkojmë bashkë, edhe si sportistë na bën mirë të ecim në këmbë. Ne mund ta bëjmë të gjithë në këmbë atë rrugë. Marr edhe flamurin i pari për ta çarë rrugën e Parlamentit me këmbë” tha ai.