الهايبرماركت الذي يحترم تجربة التسوق LuLu vs Ramez

أمي وصتني و أنا راجعة من الدوام أجيب أغراض، فكرت أروح لولو زاخر مول بعدين ثنيت نفسي عن ذلك لسببين، السبب الأول أن نفسي تحب ما تألفه، و رامز بالنسبة مألوف بسيط و ما أعلق في الزحمة و ما أحتاج أدخل مول عشان أدخله، أما السبب الثاني هو لولو زاخر مول رحت له بنفسي مرة وحدة بس، و كانت لي تجربة سيئة بسبب نفسي طبعا، لأني أخاف أوقف في الزحمة، رحت اوقف مقابل الشارع و تبهدلت لما كنت أريد أطلع السلة لأن حصلت لافتة مكتوب فيها ممنوع تجاوز السلال هذه المنطقة، و اضطريت أشل الأغراض رايح جاي لأني طبعا مستحيل أخالف القانون حتى لو محد شايف. لكن لما وصلت رامز، مشكلة رامز إنه المواقف قبيحة و سيئة جدا لكن هذا لم اعتبره 🚩 لأني متعودة عليهن، و لما دخلت، المشكلة الثانية رامز فيه بوابتين، و السلال موجودة برع البوابتين، يعني أول ما تدخل رامز و تتجاوز خط معين لو نسيت تشل سلة، عاد ما تقدر ترجع إلا من صوب الكاشير لأن البوابة ما بتفتح لك، و أنا ما أحب أداعص الزبائن عشان بس أخرج من المول، it feel so embarrassing فكرت إني أروح أجيب سلة من البوابة الثانية على أمل يعني ما يكون فيه زحمة عند الكاشير و أقدر ساعتها أمر، بس لا، كان فيه زحمة و البوابة طبعا ما تفتح إلا من الصوب الثاني فوقفت قدامها انتظر لين جاء زبون و دخل و لما هي انفتحت أنا مريت بسرعة، و هنا كانت الصدمة، يكفي إنه ما فيه أي سلاسة في المداخل و المخارج و الslop واجد سيء، فإن السلال كانت في غاية الوساخة و متكسرة، تقززت ألمسها، مطيت كم قميصي، و حاولت أختار سلة، اللي مقبضها مكسور! و اللي مشلوعة منه العلامة، و سخات واجد كأنهم ينقلوا فيهن نفط أو تواير سيارات، و مع ذلك صاملة، اخترت سلة و مشيت بها في الslop السيء جدا، و كانت معوقة بس قلت عادي كلهن معوقات و متعودة عليهن، تقرفت أحط أغراضي فيهن، و ظليت ماسكة البوك و التلفون و المفتاح و أنا أتجاوز الslop تسقط حديدة على ساقي، حديدة السلة نفسها مخلوعة أصلا و ارتنت على ساقي، ما كانت ضربة قوية، كانت خفيفة بس تلسع، و وقفت أشوفها مشدوهة لأني أول مرة اختبر هكذا حادث ! و واصلت و دخلت المول و حسيت ..لا .. رامز لا يستحق .. و خلصني أضيع من وقتي ٢٠ دقيقة، و لا أعطي فلوس لمستثمر ما يحترمني.