Uniko - Breçani: Lefter Zhidrun do e mbaja te rrethuar me jave nese do dija qe kishte tritol

Ish-shefi i shtabit RENEA dhe ish-drejtuesi i lartë i policisë, Erzen Breçani ka dhënë argumentet e tij nëse operacioni i RENEA-s më 24 Shtator për të vrarë Lefter Zhidrun ishte i suksesshëm ose jo. I ftuar në emisionin Uniko nga Spartak Koka në Klan Plus për të folur pikërisht për këtë çështje, Breçani ka treguar se cilat janë detyrat e forcave speciale të RENEA-s dhe si veprojnë në të tilla situata. “Duke ju referuar veprimeve që kryen RENEA, ishte një operacion i mirëorganizuar dhe ishte një operacion i mirëfilltë për ta kryer vetëm RENEA. Sepse misioni dhe detyra e saj është për arrestimin e personave me rrezikshmëri të lartë, dhe ky paraqiste rrezikshmëri të lartë. Reparti RENEA është një strukturë e mirëorganizuar. RENEA është e krijuar që në vitin 1999. Në strukturën e RENEA bëjnë pjesë njësia e ndërhyrjes taktike, njësia e vëzhgimit, njësia snajper, njësia e zhytjes, janë edhe njësi të tjera që janë pranë RENEA, siç është njësia e negociimit, njësia anti-eksploziv, dhe njësia e helikopterëve. Në shërbime të tilla përfshihet i gjithë reparti RENEA për persona me rrezikshmëri të lartë. RENEA merr urdhër vetëm nga Drejtori i Përgjithshëm i Policisë së Shtetit kur e vlerëson që duhet të ndërhyjnë në këto raste. Ky ishte një rast specifike që RENEA duhet të ndërhynte. Për mendimin tim, RENEA i ka kryer veprimet me shpejtësi dhe ka bërë kufizimin e banesës me perimetër të afërt dhe me perimetër të largët. Veprimi i parë që kryen RENEA është marrja nën kontroll e banesës së objektit duke kufizuar dhe duke bërë të pamundur daljen nga kufizimi të personit. Snajperat nuk janë vetëm për të ekzekutuar, por edhe për të vrojtuar, për t’i dhënë informacion grupit që të bëjë ndërhyrjen e planifikuar. Gjithmonë ku vepron RENEA, janë të përfshirë grupet e njësisë së snajperave. Në një snajper veprojnë dy snajperista, sepse një snajper nuk rri gjithmonë me syrin në objektiv, por janë dy snajperista. Breçani thotë se një njësi e rëndësishme e forcave speciale është edhe negociatori. “Aty janë kryer të gjitha etapat që duhet të shkojnë në ndërhyrjen e planifikuar. Është kryer negociimi. Nëse negociatori nuk e jep OK që bëra maksimumin, sepse negociatorët e RENEA janë të specializuar, jashtëzakonisht të suksesshëm se ka pasur shumë raste në vite që kanë bërë të mundur dorëzimin e personave që është edhe suksesi i një operacioni. Në rastin me pengje, snajperistët nuk lejohet të gjuajnë mbi 150 metra distancë. Këtu ka qenë distancë më e afërt”. Duke folur për kallëpet e tritolit që u gjetën brenda apartamentit të Lefter Zhidru, Erzen Breçani theksoi se po të ishte vetë në krye të këtij operacioni, ai nuk do të kishte dhënë urdhrin për të hyrë brenda banesës nëse do të kishte dijeni për ekzistencën e lëndëve shpërthyese. Në këtë situatë, ai deklaron se do ta mbante personin e armatosur për javë të tëra nën rrethimin e RENEA-s, deri sa autori të dorëzohej. “Nëse do të kishin dijeni, kjo ndërhyrje nuk duhet të ishte bërë. Forcat speciale janë përgatitur të kryejnë operacione në kushte më të vështira. Nëse unë do isha në drejtim edhe do kisha dijeni që personi ka eksploziv, nuk do i fusja çunat të vepronin, por do e mbaja 1 javë, 2 javë, 3 javë, do e mbaja në kufizim. Vetëm në rastet kur ai tenton të çajë rrethimin do asgjësohej gjithmonë kur qëllon kundër forcave policore. Reparti RENEA është i specializuar që ta mbajë jo një person, por një grup personash ta mbajë me javë të tëra në kufizim. Negociimi duhet të zgjaste më tepër duke parë këtë lloj eksplozivi sepse rrezikuan çunat kur hynë. Është procedurë standarde. Këtu nuk kemi informacion që ka marrë një njeri peng. Kurse ky rast nuk ishte pengmarrje që duhet të nxitojmë dhe të hyjmë. Mund të bëhej më gradualisht. RENEA i ka kapacitetet që të rrijë në kufizim të përhershëm. Njësia e negociimit është e pajisur me pajisjes më speciale që të shkojë zëri te personi, metoda e telefonit. Edhe grupi i negociimit shkon me makinë të blinduar”. #Uniko #SpartakKoka #KlanPlus | Misteret e pazbardhura të kronikës. Çështjet më të bujshme të drejtësisë në vend. Që nga historitë më të fundit deri tek ato që tashmë janë harruar.Me dëshmi, intervista,pamje dhe dokumente të papublikuara më parë. SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/