മനുഷ്യ/പ്രകൃതി സ്‌നേഹവും, കൃഷിയും,ജൂൺമാസാവസാനം കാലത്തെ സമയങ്ങളിൽ വർക്കി ചേട്ടന്റെ കൃഷി പണികൾ!

മനുഷ്യസ്നേഹം,പ്രകൃതി സ്നേഹം പിന്നെ കൃഷി.... ത്രിശൂരിൽ,പട്ടിക്കാട് താമസിക്കുന്ന മുളന്താനത്ത് വർക്കി ചേട്ടന് ഏകദേശം 75 വയസുണ്ട് ,വർഷങ്ങളായി അദ്ദേഹം പ്രകൃതിയെ സ്നേഹിച്ചും കൃഷിപ്പണികൾ ചെയ്‌തും മുന്നോട്ടുപോകുന്നു....അദ്ദേഹം പ്രാർത്ഥനയിലും, ഉപവാസത്തിലും എല്ലാം വിശ്വസിക്കുന്ന വ്യക്തിയാണ്.പുലർച്ചെ 5 മണിക്കുതന്നെ എഴുന്നേറ്റു ഏറെനേരമുള്ള പ്രാർത്ഥനയിൽ ആരംഭിക്കുന്നു അദ്ദേഹത്തിന്റെ ദിനചര്യകൾ.വീട് ഇരിക്കുന്ന കുറച്ചു സ്ഥലത്തു തെങ്ങും,കവുങ്ങും,മാവും,പ്ലാവും,വാഴയും,പുളിയും,പേരയും ഒക്ക്കെയായി വീണ്ടും കൃഷിചെയ്യാൻ സ്ഥലമില്ലാതായിരിക്കുന്നു.... പരിസരപ്രദേശങ്ങളിലെല്ലാം എന്നും കൊത്തിയും,കിളച്ചും, വൃത്തിയാക്കിയും അദ്ദേഹം തനിക്കു കൃഷിയോടുള്ള താല്പര്യം മഞ്ഞളും,വാഴയും ഒക്കെ ആവുന്ന വിതത്തിലെല്ലാം നട്ട് നിലനിർത്തി ജീവിത യാത്രയിൽ മുന്നോട്ടു പോകുന്നു. അദ്ദേഹത്തിന്റെ ഭാര്യ ഒരു വീഴ്ചയിൽ അസ്ഥികൾക്കും,കാലിനും പരിക്കുപറ്റി നാലഞ്ച് വർഷങ്ങളായി കിടപ്പിലാണ്.കിടപ്പു രോഗിയായ ഭാര്യയുടെ എല്ലാകാര്യങ്ങളും അദ്ദേഹം വലിയ സ്നേഹത്തോടും,സമർപ്പണബോധത്തോടും കൂടി എപ്പോഴും ചെയ്യുന്നത് കാണുമ്പോൾ ദൈവത്തിന് നന്ദി പറയാതിരിക്കാൻ വയ്യ.ഞങ്ങളും അപ്പച്ചനോടൊപ്പം സാധിക്കുന്ന വിധത്തിലെല്ലാം അമ്മച്ചിയെ സഹായിക്കാനും, ശുശ്രുഷിക്കാനും ശ്രമം നടത്തുന്നു. ജീവിതത്തിന്റെ എല്ലാ പ്രതിസന്ധികളിലും ദൈവത്തിൽ ആശ്രയിച്ചു സന്തോഷത്തോടെ വർക്കിച്ചേട്ടൻ നീങ്ങുന്നു.കഠിനാധ്വാനത്തിലും,ദൈവാശ്രയത്തിലും,സ്നേഹത്തിലും ജീവിക്കുന്ന അദ്ദേഹത്തിന്റെ ജീവിതം എത്രയും പ്രചോദനം നൽകുന്നതും,മാതൃകാപരവുമാണ്. ദൈവം മഹത്വപെടട്ടെ അറക്കലച്ചൻ