।आंबा मोहोर धारणा।

सिंधुदुर्ग जिल्ह्याच्या देवगड तालुक्यातील हिंदळे या गावी श्री दीपक प्रभाकर कुंभार व श्री अनंत प्रभाकर कुंभार या अतिशय प्रयोगशील अभ्यासू आंबा बागायतदारांना भेट देण्याचा योग आला. दोन्ही बागायतदार बंधूंनी मागील वीस वर्षापासून आंबा बागेत करत असलेल्या विविध प्रयोगांबद्दल माहिती दिली. विशेष करून मोहोर धारणेच्या वेळी येणाऱ्या विविध प्रश्नांसंबंधी त्यांचे प्रयोग दाखवले. आंबा छाटणी संदर्भात मागील अनेक वर्षापासून ते करत असलेल्या वेगळ्या प्रकारच्या छाटणी संबंधी बहुमोल मत आणि मार्गदर्शन केले. त्याचबरोबर मागील अनेक वर्षापासून त्यांच्या बागेत जीवामृताचा वापर आणि त्याचे फायदे यासंबंधी त्यांनी सखोल सविस्तर माहिती दिली. श्री कुंभार बंधूंच्या या अनुभव व ज्ञानाचा आणि त्यांनी त्यांच्या बागेत केलेल्या विविध प्रयोगांचा केसर आंबा बागायतदारांसाठी नक्कीच बहुमोल असा फायदा होईल त्याच करिता संबंधित व्हिडिओ केसर आंबा बागायतदारांसाठी खूप मोलाची आहे असे आम्हास वाटते. धन्यवाद. महाकेसर फार्मर प्रोड्युसर कंपनी, औरंगाबाद. मो. नं. 773 772 5959 #fpc #mango #kesar #fruit #kesarmango #farming #mangonursery #food