Turizmi/Ceko: Pushimet po bëhen të papërballueshme. Shehu: Problemet më të mëdha te shezlongët

Rritja e çmimeve në kulmin e sezonit turistik dhe ndikimi i tyre tek buxheti i familjeve shqiptare mbetet një nga temat më të diskutuara të kësaj vere. Eksperti i ekonomisë Enriko Ceko dhe sekretari i PD-së në Sarandë, Kreshnik Shehu, ndanë qëndrimet e tyre mbi kostot e pushimeve, nivelin e pagave dhe fenomenin e abuzimeve me çmimet në sektorin e turizmit. Eksperti i ekonomisë, Enriko Ceko, tha se të ardhurat mesatare reale të shqiptarëve nuk janë të mjaftueshme për të përballuar pushimet gjatë sezonit veror, pasi rritja e çmimeve ka qenë shumë më e shpejtë se rritja e pagave. Nga ana tjetër, sekretari i PD-së në Sarandë, Kreshnik Shehu, u shpreh se çmimet ndryshojnë në çdo destinacion turistik, por pranoi se abuzimet vijojnë të mbeten problem. Ai solli si shembull debatin për tarifat e shezlongëve në plazhet e Sarandës.