Banorët e Bathores, të pakënaqur me procesin e legalizimit nga Qeveria – (2 Shkurt 2005)

Lajme Arkiva 2005 Banorët e Bathores kërcënojnë se do të nisin protestat nëse çmimi që do të vendosë Qeveria për legalizimin e banesave nuk do t’ju pëlqejë. Dhjetra banorë të kësaj zone informale janë mbledhur në një takim për të kundërshtuar firmosjen e formularëve të cilët do t’i përfshijnë ata në proçesin e legalizimit. Banorët kërkojnë që toka që ata kanë zënë për ndërtime t’iu jepet falas, ose me çmimin që toka ka patur në vitin 91’ kur dhe ata kanë kryer ndërtimet e tyre. “ E konsiderojmë këtë formular, si është një mënyrë e mashtrimit të Qeverisë, duke kërkuar firmat në këtë formular pa pasur asnjë lloj çmimi. Në qoftë se don me ec Qeveria me këtë piramidë, kjo do përfundojë me një dramë të madhe sepse njerëzit nuk mund t’iu përgjigjen çmimeve si mendojnë ata. I bëjmë thirrje Qeverisë, Parlamentit dhe Presidentit mos ta çojnë këtë popull për protesta se po qe se bëhen protesta, protestat do të jenë tejet të fuqishme, sa edhe Parlamenti, Qeveria, Presidenti do pendohen pasi do jenë tepër vonë.” Ndërkohë sipas drejtorit të Agjencisë së Legalizimeve plotësimi i formularëve është vetëm një fazë informimi, që do t’iu mundësojë banorëve që kanë kryer ndërtime pa leje në të gjithë vendin, të mund të përfshihen në proçesin e legalizimit. Qeveria nuk e ka vendosur ende çmimin që do të paguhet nga banorët e zonave informale për legalizimet. Megjithatë do të jenë tre mënyra për të bërë pagesën. “Ligji, prapë se prapë edhe nuk, n.q.s çmimi dikujt i duket i lartë, dikujt i ulët kjo është në varësi të buxhetit që ka secili, të xhepit të secilit. Atëherë në momentin që disa kanë mundësi e paguajnë ‘cash’. Janë të përcaktuar në ligj këto gjëra dhe do të ketë dhe favorizime për këta. Për ata që nuk kanë mundësi, do ta paguajnë me këste. Mënyra tjetër, një lloj ndihme, një lloj mundësie që jepet me ligj gjithmonë dhe e treta është që ta marrin me qira për një periudhë të caktuar kohe, d.m.th për atë që nuk ka mundësi fare ta paguajë në këtë moment. Por, në momentin që këta do të këmbëngulin, në momentin që këta nuk plotësojnë këto formularë, nuk futen në këtë proçes edhe kur atyre t’iu duket çmimi i ulët ose t’ju pëlqejë, në kuptimin e mirë të fjalës, nuk do kenë mundësinë më ta paguajnë.” Sipas drejtorit Canaj në rrethet e tjera deri tani interesimi i banorëve për tërheqjen e formularëve ka qenë tepër i madh. Afati i fundit për tërheqjen dhe plotësimin e formularëve do të jetë 24 Marsi. Pas kësaj date, ata që nuk kanë aplikuar do të ngelen jashtë proçesit të legalizimit./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/