ძლიერად წარმოჩენის ფარსი - ბოლო დღეების ქრონიკა

საქართველოში ბოლო რამდენიმე დღეში განვითარებულმა მოვლენებმა ბევრი მძიმე კითხვა გააჩინა. რა ხდება მაშინ, როდესაც ხელისუფლება სულ უფრო მკაცრად ზღუდავს გამოხატვის თავისუფლებას, ქვეყანაში კი ძალადობისა და დაპირისპირების შემთხვევები იზრდება? განსაკუთრებით თვალშისაცემია, რომ ბიძინა ივანიშვილის ხელისუფლების პროპაგანდისტებს ყველაზე მეტად სწორედ უხეში, ემოციური და უცენზურო სიტყვები აღიზიანებთ. ასეთი ენა მათ მიერ შექმნილ ავტორიტეტისა და შეუვალობის იმიჯს აზიანებს და აჩვენებს, რომ ხელისუფლება აღარ არის ისეთი ძლიერი, როგორიც სურს წარმოაჩინოს თავი. ამ ეპიზოდში ვსაუბრობთ: 🔹 კახეთში მომხდარ ინციდენტზე, სადაც რუსი ტურისტების მიერ ქორწილის ჩაშლას ფიზიკური დაპირისპირება მოჰყვა; 🔹 TV „ფორმულას“ ჟურნალისტ ვახო სანაიას პატიმრობაზე და ახალი საკანონმდებლო შეზღუდვების გავლენაზე სიტყვის თავისუფლებაზე; 🔹 რას შეიძლება ნიშნავდეს ცენზურის გამკაცრება და რატომ მიმართავს ხელისუფლება ასეთ ნაბიჯებს; 🔹 თბილისში ერთ დღეში მომხდარ ძალადობრივ დანაშაულებს, რომლებმაც საზოგადოების უსაფრთხოების განცდა კიდევ უფრო შეარყია; 🔹 „საერთაშორისო გამჭვირვალობა – საქართველოს“ გადაწყვეტილებაზე, მიხეილ სააკაშვილი არ შეეყვანა პოლიტპატიმართა სიაში, და ამ გადაწყვეტილების შეფასებაზე. ამ საკითხებზე ვმსჯელობთ პოდკასტში „შენი რადიო ამერიკაში“.