Xaçmazda güclü seldən sonra çətin vəziyyətdə qalan ailə şikayətçidir - Baku TV

Xaçmazda güclü seldən sonra çətin vəziyyətdə qalan ailə şikayətçidir - Baku TV Aprelin 6-da yağan leysan yağışları Xaçmaz rayonunun Qaracəlli kəndində bir sıra fəsadlara yol açıb. Kənd sakini Mais Daşdəmirov Baku TV-nin qaynar xəttinə müraciət edərək bildirib ki, güclü yağışlar və Alpan çayının daşması nəticəsində evinə ciddi ziyan dəyib və tikili qəzalı vəziyyətə düşüb. "Evin içi bir metrə qədər su ilə dolmuşdu, əşyalarımız – soyuducu, televizor, paltaryuyan xarab oldu. Ev təxminən 30-40 santimetr çökdüyü üçün qapı-pəncərələr bağlanmır, divarlar uçur. Nümayəndələr gəlib şəkillər çəkdilər, burada qalmağın təhlükəli olduğunu bildirib çıxmağımızı məsləhət gördülər. Fövqəladə Hallar Nazirliyi həyətdə çadır qursa da, xəstə olduğum üçün rütubətli yerdə qala bilmirəm, hazırda kirayədə yaşayırıq. Ailəmiz dörd nəfərdən ibarətdir, iki oğlum hərbi xidmətdədir. Dəfələrlə aidiyyəti qurumlara zəng etsəm də, rəsmi bir akt tərtib olunmayıb", – Mais Daşdəmirov söyləyib. Məsələ ilə bağlı Fövqəladə Hallar Nazirliyinin mətbuat xidmətindən bildirilib ki, cari ilin yaz aylarında Xaçmaz rayonunda müşahidə olunan güclü leysan yağışları və sel suları nəticəsində ziyan çəkmiş fərdi yaşayış evlərinə texniki baxışın keçirilməsi ilə bağlı Nazirlər Kabinetinin 25 may 2026-cı il tarixli məktubuna uyğun olaraq Fövqəladə Hallar Nazirliyinin aidiyyəti qurumlarının əməkdaşları tərəfindən qanunvericiliklə müəyyən olunan müvafiq müddətdə və qaydada Xaçmaz Rayon İcra Hakimiyyətinin təqdim etdiyi siyahı üzrə qəzalı evlərə yerində baxış keçiriləcək və müvafiq tədbirlərin görülməsi təmin ediləcək. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv Xaçmazda güclü seldən sonra çətin vəziyyətdə qalan ailə şikayətçidir - Baku TV 2026 © All Rights Reserved ℗ "Baku TV" LLC ™ #bakutv #bakutvxəbər #gündəm #xaçmaz #sel #təbiifəlakət #şikayət #sosial #gündəm #xəbərlər #yardım baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan