曾國祥現身新聞女王慶功宴撐老婆 黃宗澤提議開新劇 願被佘詩曼欺凌

曾國祥現身新聞女王慶功宴撐老婆 黃宗澤提議開新劇 願被佘詩曼欺凌 《新聞女王2》橫掃《萬千星輝頒獎典禮2025》，總共得到九個大獎，包括香港同大灣區視帝視后、最佳劇集、大灣區最喜愛TVB劇集、男女配角以及最佳電視歌曲，尤其演員獎項大滿貫，真係威到盡。 劇組喺頒獎禮完結之後開心慶功，最佳女配角 王敏奕 嘅老公 曾國祥 亦罕有現身力撐老婆，兩公婆同框加埋同場嘅曾志偉，一家人非常開心。 劇集總監製 鍾澍佳 率領一眾演員接受訪問時，獎座一字排開非常壯觀，佢代表成個劇組多謝大家嘅支持。新鮮出爐雙料視帝 黃宗澤 就話，見到成個劇組齊齊攞獎，嗰種開心真係難以形容。 《新聞女王》1同2成績咁好，觀眾最關心嘅當然係會唔會有第三輯，佳導就話要再諗諗先，最緊要要有好劇本。黃宗澤就話就算唔係《新聞女王3》，都好期待原班人馬可以再開新劇，佢仲提議開套新劇，自己由頭到尾都被阿佘欺凌，等佢有機會報仇。佳導就加碼提議不如原班人馬拍古裝，大家即刻你一言我一語，睇嚟不久將來有可能見到Bosco同阿佘著住古裝對戲喎。#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0