Medreseja e Tiranës kundër kushteve mësimore të kontratës së re financuese-(14 Shtator 2005)

Lajme Arkiva 2005 Stafi pedagogjik i Medresesë së Tiranës është hedhur në protestë për të mbrojtur fizionominë dhe identitetin e Institutit Teologjik të kryeqytetit, pas vendimit për zhvillimin e disa lëndëve në gjuhën turke. Përfundimi i kontratës disavjeçare me shoqatën e Katarit, financuese e vetme e Medresesë, e detyroi Komunitetin Mysliman të gjejë një tjetër financues. Për të shpëtuar mbylljen e shkollës teologjike me një histori 80-vjeçare, ky komunitet nënshkroi një kontratë të re me shoqatën bamirëse turke, Sema. Vijimësia e funksionimit të Medresesë e detyroi Komunitetin Mysliman të pranojë disa kushte të financuesve, mes të cilave edhe zhvillimi i disa lëndëve në gjuhën turke. Ky vendim ngjalli pakënaqësinë e mësuesve të cilët përpiluan një peticion ku kërkohet ruajtja e identitetit të Medresesë, siç është miratuar në Kongresin e Myslimanëve të vitit 1923, rishikim të kushteve të kontratës dhe respektim të programit që është miratuar nga Ministria e Arsimit. “Të rishikohet edhe një herë me një qetësi nga të dyja palët që s’kemi asnjë gjë qoftë nga Komuniteti Mysliman apo nga shoqata turke, janë të mirëpritur...” Gazetarja: Kuptoj. Do të ishte e drejtë që lëndët fetare në një medrese e cila është shqiptare të zhvillohej në gjuhën turke? “Për këtë ne kemi reaguar tani...” “Ne kemi reagu dmth nuk na është duk normale diçka e tillë dhe po...tentativa që kjo pikë të rishikohet, dmth dhe mendoj se mund të jetë hapësirë që mund të rishikohet.” Gazetarja: Kur është marrë ky vendim ju si staf pedagogjik, por edhe drejtoria e shkollës është pyetur? “Unë nuk di që është pyet dikush.” Sipas kontratës së re të nënshkruar me shoqatën Sema në Medresenë e Tiranës nga 18 lëndë gjithsej, tetë prej tyre do të zhvillohen në gjuhën shqipe, pesë në anglisht, një në arabisht dhe katër në turqisht, ku përfshihet edhe vetë gjuha turke. Pavarësisht kontratës vendimin përfundimtar për Institutin Teologjik, Haxhi Hafiz Dashi, pritet të merret nga Ministria e Arsimit. “Ministria e Arsimit është institucioni i cili zbaton legjislacionin arsimor në Republikën e Shqipërisë dhe konform të gjithë kritereve të përcaktuara duhet të mbajë qëndrimin e duhur.” Drejtuesit e Komunitetit Mysliman thonë se në bazë të marrëveshjes ka ndryshuar vetëm pjesërisht struktura mësimore, janë reduktuar orët e mësimit dhe si pasojë dhe të mësuesve. Medreseja ka 31 mësues, prej të cilëve 20 punonjës me kohë të plotë. Ndryshimi i strukturës ka sjellë mos rinovim të kontratës për një mësues të përhershëm dhe tetë të jashtëm./tvklan.al Gazetare: Beti Njuma SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/