Euskeraren Jatorria 14: Agurra, aurkezpena. Joseba Mintegi

Iberiera edo hobeto erranda uskara: hain ondoan dagoen eta hain urrun dagoen hizkuntza. Ondoan? Etxean bertan dugu: Nabarran hainbat testu agertu dira: Mendigorrian, Erriberrin, herri askotan topatutako txanponetan (Barskunes…), Iruña-Veleian zeinu batzuk, Errioxan… Iberiera ez da soilik iberiar penintsulako hizkuntza, askotan horrela uste den arren. Testu iberiarrak Kanariar uharteetan eta batik bat Akitaniako eremu guztian ere topatu dira ia Italiaraino. Hau da oso eremu zabalean erabili izan zen. Nabarra, Iberia eta Akitaniaren esparru horren erdi-erdian dugu. Astiro-astiro, bi hizkuntzen arteko loturak gero eta ageriago geratzen ari dira, adibidez, zenbaki sistema biak ama beretik datozela frogatuta geratu da, iberierazko zenbakiak ikusita: ban, bi/bin, irur, laur, borste/bors, sei, sisbi, sorse, abar, orkei… Baina Euskel Hizkuntzalaritza ofizialak iberieraren aurrean hartu duen jarrera Iruña-Veleiarekin, euskalduntze berantiarrarekin edo Soriako hilarrien altxorrarekin hartu duen berbera izan da: gezurrak esan, balioa kendu, ostrukarena egin… Horrela iberieraren eta euskeraren zenbakien artean loturarik ez dagoela esatera ausartu da, eta gainerako mundu “akademikoak”, Euskaltzaindiak… astakeri berri horren aurrean mutu jarraitzen dute, jadanik harritzen ez gaituena. Bilkura honetan bi hizkuntzen arteko loturak hobeto ezagutu ahal izango ditugu eta euskaldunok iberi-era argitzeko dugun erantzukizuna eta geure hizkuntzak prestigiatzeko dugun aukera aztertuko ditugu.