ယနေ့ ( ၁၄ - ၇ - ၂၀၂၆ ) အတွက် မိုးလေဝသခန့်မှန်းချက်များ
ဒီနေ့မှာတော့ မြစ်ရေကြီးမှုသတင်းကို စတင်တင်ပြချင်ပါတယ်။ စစ်တောင်းမြစ်ရေဟာာ မဒေါက်မြို့မှာ စိုးရိမ်ရေအမှတ်အထက် ၁ ပေခွဲအထက် ကို ကျော်လွန်ရောက်ရှိနေပြီး ချင်းတွင်းမြစ်ရေကလည်း ဟုမ္မလင်းမြို့မှာ စိုးရိမ်ရေအမှတ်အထက် ၁ ပေခန့်ကျော်လွန်ရောက်ရှိနေကာ သံလွင်မြစ်ရေကတော့ ဘားအံမြို့မှာ စိုးရိမ်ရေအမှတ်အထက် ကျော်လွန်ရောက်ရှိနေသလို နောက်တစ်ရက်အတွင်းမှာ ပေဝက်ခန့် အသီးသီးမြင့်တက်နိုင်တယ်လို့ မိုးဇလက အသိပေးထားပါတယ်။ ဒါ့အပြင် ငဝန်မြစ်ရေဟာလည်း ငသိုင်းချောင်းမြို့မှာ စိုးရိမ်ရေအမှတ်အောက် ပေဝက်ခန့်ရောက်ရှိနေပြီး နောက် ၂၄ နာရီအတွင်း စိုးရိမ်ရေအမှတ်ကို ရောက်ရှိဖို့ ရှိနေပါတယ်။ အန္ဒိယမိုးလေဝသဌာန IMD နဲ့ ထိုင်းမိုးလေဝသဌာ TMD တို့ရဲ့ ထုတ်ပြန်ချက်တွေအရ ဘင်္ဂလားပင်လယ်အော်မြောက်ပိုင်း ဘင်္ဂလားဒေရှ်နိုင်ငံ တောင်ပိုင်းတို့မှာ အထက်လေရစ်ဝဲတစ်ခု ဖြစ်ပေါ်နေတာကို တွေ့ရတာကြောင့် ရခိုင်ပြည်မြောက်ပိုင်းအပြင် ဘင်္ဂလားဒေရှ့်နဲ့ အန္ဒိယမြန်မာ နယ်စပ်တလျောက်မှာ မိုးသက်လေပြင်းတိုက်ခတ်ခြင်း မိုးသည်းထန်စွာ ရွာသွန်းခြင်းများ ဖြစ်ပေါ်လာနိုင်ပါတယ်။ ဒါ့အပြင် ဘီဟာပြည်နယ်ကနေ မဏိပူရပြည်နယ်အထိ ဆန့်တန်းနေတဲ့ လေဖိအားနည်းမြောင်တန်းရဲ့ အရှိန်ကြောင့် ချင်းပြည်၊ စစ်ကိုင်းအထက်ပိုင်းနဲ့ ကချင်ပြည် အနောက်ဘက်ဒေသတွေ မိုးသည်းထန်စွာ ဆက်လက်ရွာသွန်းနိုင်တာကြောင့် တောင်ကျရေလျှံခြင်းနဲ့ ချင်းတွင်းမြစ်ရေ ဆက်လက်မြင့်တက်နိုင်ဖို့ ရှိနေပါတယ်။ ထိုင်းမိုးလေဝသဌာနရဲ့ လေထုအခြေပြုမြေပုံအရ ဘင်္ဂလားပင်လယ်အော်မြောက်ပိုင်းမှာ အားကောင်းတဲ့လေဖိအားနည်းဆဲလ် တစ်ခု ကို တွေ့ရပြီး ၊ လာအို-ဗီယက်နမ်နယ်စပ်မှာလည်း လေဖိအားနည်းဆဲလ်တစ်ခု ဖြစ်ပေါ်နေကာ မုတ်သုံမြောင်းတန်းသွယ်တန်းထားပြီး မြန်မာနိုင်ငံမြောက်ပိုင်းကို ဖြတ်သန်းလျက်နေတာကို တွေ့ရတာကြောင့် မိုးတိမ်တောင်တွေ အားကောင်းစွာဖြစ်ပေါ်နိုင်ပြီး မိုးသည်းထန်စွာရွာသွန်းနိုင်ပါတယ်။ ဒါ့အပြင် တောင်ကမ္ဘာခြမ်းက လေဖိအားကြီးစနစ် တစ်ခုက ကပ္ပလီပင်လယ်ပြင်၊ ထိုင်းနိုင်ငံအနောက်ပိုင်းနဲ့ ထိုင်းပင်လယ်ကွေ့ တို့ကို လွှမ်းမိုးထားတာကြောင့် ကပ္ပလီပင်လယ်ပြင် အတွင်း အနောက်တောင်မုတ်သုံလေအားကောင်းနေတာကို တွေ့ပါတယ်။ ပင်လယ်ပြင်အတွင်း လှိုင်းကြီးလေထန်အန္တရာယ်ရှိနိုင်တာကြောင့် မြိတ်ကျွန်းစု၊ တနင်္သာရီနဲ့ မွန်ကမ်းရိုးတန်းတစ်လျှောက် သွားလာနေကြတဲ့ ရေယာဉ်တွေအနေနဲ့ ဇူလိုင် ၁၆ ရက်နေ့အထိ လှိုင်းလေထန်နိုင်တာကို ဂရုပြုသွားလာကြဖို့ တိုက်တွန်းအပ်ပါတယ်။ ဒီနေ့မှာတော့ ရခိုင်ပြည်တောင်ပိုင်း ဧရာဝတီတိုင်း ရန်ကုန်တိုင်း ပဲခူးတိုင်း မွန်ပြည် ကရင်ပြည်နဲ့ တနင်္သာရီတိုင်းတို့မှာ နေရာအနှံ့အပြား မိုးအသင့်အတင့်ကနေ မိုးများနိုင်မှာဖြစ်ပြီး နေရာကွက် မိုးသည်းထန်ကာ မိုးအလွန်များနိုင်ပါတယ်။ ရှမ်းပြည်တောင်ပိုင်းနဲ့ ကရင်နီတို့မှာတော့ နေရာကျဲကျဲ မိုးအနည်းငယ်ရွာသွန်းနိုင်ပြီး ကျန်ပြည်နယ်နဲ့ တိုင်းတွေမှာတော့ နေရာကွက်ကျား မိုးအနည်းငယ်ရွာသွန်းနိုင်မှာ ဖြစ်ပါတယ်။ နောက်နှစ်ရက်အတွင်းမှာတော့ မြစ်ဝကျွန်းပေါ်အပါအဝင် မြန်မာနိုင်ငံ တောင်ပိုင်းဒေသတွေနဲ့ ချင်းပြည်မြောက်ပိုင်း စစ်ကိုင်းတိုင်းအထက်ပိုင်း ကချင်ပြည်နဲ့ ရှမ်းပြည်မြောက်ပိုင်းတို့မှာ မိုးပိုလာနိုင်မှာဖြစ်ပါတယ်။ မြစ်ရေအခြေအနေမှာတော့ ဧရာဝတီမြစ်ရေဟာ ရွှေကူမှာ ၁၀ လက်မနီးပါး ကသာမှာ ၆ လက်မနီးပါးခန့်မြင့်တက်နိုင်ပေမဲ့ ကျန်မြစ်ကြောင်းတလျောက်မှာတော့ အနည်းငယ်ဆီ အသီးသီး ကျဆင်းနိုင်ပါတယ်။ နေပြည်တော် လယ်ဝေးက အေလာဝန်းကျင်မှာတော့ နောက် ၇၂ နာရီအတွင်း နေရာကြဲကြဲ မိုးအနည်းငယ်မျှရွာသွန်းနိုင်ပါတယ်။ နေပြည်တော်အတွင်း မြစ်ရေကြီးနိုင်မှုအခြေအနေမှာတော့ ကမ္ဘာလုံးဆိုင်ရာ ရေကြီးမှုသတိပေးစနစ်ထုတ်ပြန်ချက်အရ နေပြည်တော်ဒေသ တဝိုက်မှာ ၂ နှစ်တာကာလအတွင်း ရေကြီးနိုင်ခြေ ရာနှုန်းပြည့်ရှိနေပြီး ၅ နှစ်တာကာလအတွင်း ရေကြီးနိုင်ခြေ ၉၈ ရာနှုန်းရှိနေပါတယ်။ လက်ရှိအခြေအနေအရလည်း နေပြည်တော်နှင့် တပ်ကုန်းဒေသတစ်ဝိုက် စစ်တောင်းမြစ်ဝှမ်း နှင့် ချိတ်ဆက်နေတဲ့အတွက် အထက်ပိုင်းက ရေများ ဆက်လက်စီးဆင်းလာပါက ရေမှတ်မှာ ထပ်မံမြင့်တက်လာနိုင်တဲ့ အလားအလာရှိနေပါတယ်။ ရေကြီးမှုအန္တရာယ် ပိုမိုစိုးရိမ်ရတဲ့ အခြေမှာတော့ နေပြည်တော်နယ်မြေအတွင်း ရေကြီးနိုင်ခြေမြင့်မားနိုင်တာကြောင့် အနီရောင်အဆင့် ရှိနေပြီး ပျဉ်းမနား ဧရိယာအတွင်းက မြစ်ကြောင်းများအနီး မြေနိမ့်ပိုင်းများမှာ ရေဝင်ရောက်မှု အများဆုံးဖြစ်နိုင်ပါတယ်။ ရေကြီးမှုအန္တရာယ်သတိပေးချက် နယ်မြေအတွင်း ကျရောက်နေတဲ့ ဇယျာသီရိဘက်မှာလည်း ရေအခြေအနေကို စောင့်ကြည့်ဖို့လိုအပ်သလို လယ်ဝေးမြို့နယ်အတွင်းမှာလည်း မြေပြင် ရေလွှမ်းမိုးနေတဲ့ ဧရိယာအတိုင်းတာ ပိုမိုသိပ်သည်းစွာ တွေ့ရှိရပါတယ်။ ဒါ့ကြောင့် နေပြည်တော်နယ်မြေအတွင်းရှိ ချောင်းမြောင်းအနီးနေထိုင်သူများအနေနဲ့ ရေအမှတ်မြင့်တက်လာနိုင်တဲ့ အန္တရာယ်ကို အချိန်နှင့်တစ်ပြေးညီ သတိပြုစောင့်ကြည့်ဖို့ လိုအပ်သလို ကြိုတင်ရွှေပြောင်းခြင်း မြစ်မကြီးဘေးဝဲယာတွင် နေထိုင်ကြသူများသာမက မြို့နယ်အတွင်းရှိ ဆက်စပ်ချောင်းမြောင်းများအနီးတွင် နေထိုင်ကြသူတွေအနေနဲ့ အရေးပေါ်ရွှေ့ပြောင်းနိုင်ရေးနဲ့ ရေဘေးလုံခြုံရေးအတွက် အချိန်နဲ့တစ်ပြေးညီ ကြိုတင်ပြင်ဆင် စောင့်ကြည့်ကြဖို့ တိုက်တွန်းလိုပါတယ်။ ဟင်္သာတမြို့ရဲ့ ဧရာဝတီမြစ်ရေအခြေအနေမှာတော့ ဟင်္သာတမြို့ရဲ့ စိုးရိမ်ရေအမှတ်အောက် ၂ ပေကျော်မှာ ရှိနေပြီး နောက် ၂၄ နာရီအတွင်း ၄ လက်မခန့် ကျဆင်းနိုင်ပါတယ်။ မြန်မာ့ပင်လယ်ပြင်အခြေအနေမှာတော့ မြန်မာကမ်းရိုးတန်းတလျောက်နဲ့ ကမ်းလွန်ပင်လယ်ပြင်တို့မှာ မိုးသက်လေပြင်းများတိုက်ခတ်နိုင်ပြီး တစ်နာရီ ၃၅ မိုင် အထိလေပြင်းများတိုက်ခတ်နိုင်ကာ လှိုင်းကြီးနိုင်ပါတယ်။ လှိုင်းအမြင့် ၉ ပေကနေ ၁၂ ပေခန့်ရှိနိုင်ကာ ပင်လယ်ပြင်အတွင်း လှိုင်းကြီးလေထန် အန္တရာယ်ရှိနိုင်တာကြောင့် ကမ်းနီးကမ်းဝေးရေလုပ်သားတွေနဲ့ ပင်လယ်ပြင်ခရီး သွားလာကြသူတွေအနေနဲ့ အတတ်နိုင်ဆုံး ပင်လယ်ပြင်အတွင်းသွားလာခြင်းမပြုကြဖို့ အထူးသတိပေး တိုက်တွန်းလိုက်ရပါတယ်ရှင်။ PSM ရဲ့ ပရိတ်သတ်များရှင် မိုးလေဝဖြစ်စဉ်တွေဟာ များသောအားဖြင့် ၇၀ ရာခိုင်နှုန်းခန့်သာ မှန်နိုင်ပြီး အချိန်နဲ့အမျှ ပြောင်းလဲနိုင်ပါတယ်။ #psm_weather #psm_myanmar #psm_news
Mandalay Khitthit ( July,10,2026) News
အမေရိကန်နဲ့အီရန်တို့ရဲ့လတ်တလောတိုက်ခိုက်မှုတွေရပ်တန့်ဖို့ဦးဆောင်ညှိနှိုင်းပေးနေတဲ့ပါကစ္စတန်တောင်းဆို
လပျောက်သောည - ဒေးဒရဲလှမွန်
ယနေ့ ( ၁၇ - ၇ - ၂၀၂၆ ) အတွက် မိုးလေဝသခန့်မှန်းချက်များ
“မျက်မှောက်ခေတ် ရခိုင်ပြည်” သတင်းကဏ္ဍ
ဒီကုသိုလ် (၁) ခုပြုလိုက်တာနဲ့ ကိုယ့်ရဲ့ကံတရားတွေပြောင်းလဲသွားလိမ့်မယ် မသိသေးရင်နာယူပါ #buddha
จีน 6 แสนหนี"ไต้ฝุ่นบาหวี่" วินาทีคลื่นแรงซัดท่าเรือ"ไต้หวัน" | TNN ข่าวค่ำ | 11 ก.ค. 69
ကုန်ကျစရိတ် ၅သောင်းခန့်ဖြင့် ၂၄နာရီ ရေအားလျှပ်စစ် တီထွင်ပြသွားတဲ့ တောင်သူကြီး
ဇူလိုင်လ ၁၇-ရက်၊ နောက်ဆုံးရ ထိပ်တန်းသတင်းများ
ҮНДЭСНИЙ ИХ БАЯР НААДМЫН НЭЭЛТ-ийн үйл ажиллагаа
WILD AMAZON | When Survival is in the Hands of Predators | Nature Animal Documentary
Unbelievable Workers | Working with Talented Engineers. EP170 #construction#adamrose#workers#smart
Impossible Places: World's Most Dangerous Railway Roads on Earth | 4K Travel Documentary
How Billions of Bamboo Trees Become Soft Towels and Bed Linen | Full Factory Process
When Wild Animals Get Way Too Close 😱
Animals That Asked People for Help & Kindness
Unbelievable Workers | Working with Talented Engineers. EP175 #construction#adamrose#workers#smart
PSM News - နိုင်ငံတကာသတင်း ( ၁၆ - ၇ - ၂၀၂၆ )
WILD PACIFIC | The Supreme Predators of the Ocean Depths | Animal Documentary
