تقبض كام يا باشمهندس؟ لو انت مهندس موقع اعرف إجابة السؤال ده | فن التشييد (6)

للاشتراك في كورسات الخرسانات والتشطيبات للمهندس/عبد الرحمن الشرنوبي https://bit.ly/3Dk7x6v برجاء الضغط على الرابط التالي -------------------------------------------------- 00:00 المقدمة 08:34 سعرك في السوق 09:43 ماهو المرتب المتوقع؟ 12:06 الرد المناسب 14:39 Gross or Net? 16:15 مفردات المرتب 19:18 الاستقطاعات 23:06 اشتغل ببلاش عشان تاخد خبره 25:00 نظام المرتبات في الشركات 26:33 ايه اللى تستفيد بيه من حلقة النهارده؟ -------------------------------------------------- من الأسئلة المهمة اللي بتتسأل لينا في أي انترفيو, وكثير من المهندسين بيردوا بإجابات ممكن تضرهم سواء في الانترفيو أو حتى بعد ما يتقبلوا في الانترفيو, عشان اتفق غلط ووافق علي الراتب اللي اتعرض عليه بدون ما يعرف إيه هي حقوقه ومستحقاته اللي هياخدها وإيه هي الإستقطاعات اللي المفروض تتخصم منه زي ضريبة كسب العمل والتأمينات الإجتماعية, عشان كده خلال حلقتنا النهارده هنعرف إزاي ترد علي السؤال ده؟ وإيه هي مفردات مرتبك اللي المفروض تكون عارفها وتمضي عليها؟ وإيه هي مستحقاتك طبقاً لقانون العمل, وهتفهم أنظمة الشركات المختلفة في صرف مرتبات المهندسين, عشان كل الشركات مش بتمشي بنظام واحد. مبدأيا انت كمهندس مدني ليك سعر،والسعر بتاعك مش مرتبط بكمية المعلومات اللى انت عارفها،ولكن سعرك في السوق مرتبط بدفعتك. أنت كمهندس حديث التخرج،بتاخد كذا،ولو خبره سنتين بتاخد كذا،ودي حسبة السوق، ان السنه الحالية بيطرحوا منها سنة التخرج،يبقى انت خبرتك كذا سنه،ومترتبك بيتحدد على هذا الأساس. ليه بتتسأل فى الانترفيو،ايه هو المرتب اللى انت متوقعه؟لأن جايز انت تطلب مرتب أقل من التسعيره المحطوطاله،فكده يبقى هو عينك عنده وكسب بونط عند المدير،ووفر على الشركة الآف على مدار السنة.بالاضافة الى انه عاوز يعرف انت مقدر نفسك بكام؟هل انت غالي؟ولا انت اصلا مش عارف اسعار السوق ايه،فيديك رقم قليل على مزاجه. ومن منطلق النقطتين دول،مهم جدا انك قبل الانترفيو تكون عامل بحث عن الشركة وتتعرف على تصنيفها ومشاريعها ويكون عندك فكره عن المرتبات جواها،وهل القبض منتظم؟ولابيتأخر؟طب هل فى حاجه بيدوها مع المرتب؟بدلات،اضافي...وهكذا والرد المناسب انك تسأله ايه رينج المرتبات للمهندسين عندكم من نفس دفعتي،وطبقا لرينج المرتباتاللى الشركة حاطاها؟ وممكن تقول:أنا سألتزمايلي،دفعتي واللى شغالين في نفس تصنيف شركتكم،ونفس حجم مشاريعكم،وعرفت تقريبا انهم بياخدوا في رينج كذا. وطبعا مافيش حاجه اسمها اجابه نموذجيه،ولكن حسب الموقف والظروف المحيطه. وبالفعل هتتفقوا على المرتب،وتفاجأ آخر الشهر وانت بتقبض،ان المرتب نازل ناقص؛لأنك لما اتفقت على المرتب ما عرفتش هل الرقم ده هتاخده Net Or Gross ? الرقم بتاع مرتبك بيبقى رقمين مش رقم واحد،الجروس:هو كامل المرتب بدون أي خصومات،أما النت:فهو صافي المرتب بعد الخصومات والاستقطاعات،واللى بتبقى محدداها الدولة طبقا لقانون العمل،زي:ضريبة كسب العمل،والتأمين الاجتماعي وهكذا. مفردات المرتب:وهي تقسيمة المرتب،المرتب مابيبقاش مبلغ واحد،بيبقى عبارة عن مجموعة أرقام بتتجمع مع بعض وينزلك رقم نهائي بتاخده آخر الشهر.بيكون المرتب الأساسي مضاف اليه الحوافز والبدلات،زي:بدل سكن أو بدل اغتراب بيكون عباره عن نسبة من الأساسي،بدل وجبة،اوفرتايم،لو اشتغلت خارج ساعات العمل الرسميه،وكل شركة بيكون ليها حسبتها فى الاوفرتايم،وخط موبايل،وتقسيمة المرتبات بالنسبة للقطاع الخاص،غير القطاع العام،غير قطاع الأعمال. المرتب الأساسي بينزل مخصوم منه الاستقطاعات،وهي المبالغ اللى بيتم خصمها من المرتب كل شهر،زي ضريبة كسب العمل،والتأمين الصحي،والتأمين الاجتماعي،طبقا لقانون كل دوله. طبعا مش كل الشركات بتشتغل بنظام واحد في المرتبات،في شركات بتديلك الأساسي فقط،وهو بعد كده بيوفرلك أي حاجه تانيه انت هتحتاجها للشغل،زي:المواصلات،السكن،الموبايل،الأكل،وفلوس الأوفر تايم هيديهالك أجازات مش فلوس وفي شركات بتقلك :أنا ماعنديش الامكانيات اني اوفرلك كل البدلات دي،فانا هديلك بدالها فلوس،وانت شيل نفسك،ماتجيش تقلي انا عاوز حاجه خلال الشهر. المهم انه ايا كانت طريقة الشركة اللى انت هتشتغل فيها،ماتشتغلش ببلاش ودور على حقك،الشركة بتتعامل مع المهندسين برخص؛لأننا بنقبل على نفسنا الرخص اسأل على حقوقك وواجباتك قبل ماتمضي العقد مع أي شركة. ياتري استفدتوا ايه من حلقة النهارده؟ -------------------------------------------------- #المرتب #المستحقات #مهندس_تنفيذ #مهندس_موقع #احترف_التنفيذ #عبد_الرحمن_الشرنوبي ----------------------------------------------------------------- لسماع الحلقات صوتياً علي Soundcloud الرجاء الدخول علي الرابط   / abd-alrahman-alsharnouby   لمتابعة الحلقات علي القناة أسبوعيا الرجاء عمل subscribe:    / @alsharnouby   لمتابعة القناة علي Facebook الرجاء الدخول علي الرابط:   / abdelrahmnalsharnouby   لمتابعة القناة علي Twitter الرجاء الدخول علي الرابط:   / abdlrahamns   لمتابعة القناة علي linked-In الرجاء الدخول علي الرابط:   / abd-al-rahman-al-sharnouby-86905a123   لمتابعة القناة علي Instagram الرجاء الدخول علي الرابط:   / abdalrahmanalsharnouby