Pa Gjurme-Telefoni iu fik në pyll,flet motra e 52-vjeçarit:Shoku e pa që u rr*mbye,heshtja më tremb!

#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv Agim Shehu është 52-vjecari nga fshati Kostenjë i rrethit të Librazhdit, i cili rezulton i humbur që prej datës 4 korrik të 2021. Ashtu siç bënte çdo ditë, Shehu doli për të punuar dhe nxjerrë lëndë drusore për shtylla miniere ndërsa për herë të fundit ai u pa tek 'Lugu Desë' në Martanesh. Pasi nuk kanë mundur të lidhen me Agimin, banorët e zonës kanë dalë në kërkim të 52-vjecarit, të cilët kanë gjetur vetëm motorsharrën me të cilën punonte Agimi të fshehur diku në pyll, por asnjë gjurmë të këtij të fundit. Edhe telefoni që pati me vete gjithashtu rezulton i fikur. Të shqetësuar familjarët kanë bërë denoncim edhe në polici të librazhdit menjëherë pas zhdukjes, por derimë tani asgjë nuk është mësuar për fatin e babait të 3 djemve. Agim Shehu prej vitesh jetonte në Lushnjë i vetëm, pas divorcit nga ish-bashkëshortja e tij 12 vite më parë. Gjatë sezonit të verës 52-vjecari u zhvendos në fshatin Kostenjë, në vendlindjen e tij, pasi punonte në mal në prerjen e drruve në pyjet pranë Bizës gjithashtu edhe në mbledhjen e bimëve mjekësore, me të cilat siguronte të ardhura për të jetuar. 52-vjeçari njihej si një njeri pozitiv dhe nuk kishte konflikte me askënd prandaj zhdukja e tij ka vënë në alarm familjarët.