Khit Thit သတင်းဌာန၏ ဒီဇင်ဘာ ၁၂ ရက် မနက်ပိုင်း ရုပ်သံသတင်းအစီအစဉ်

Khit Thit သတင်းဌာန၏ ဒီဇင်ဘာ ၁၂ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဒီဇင်ဘာ ၁၂ ရက် မနက်ပိုင်း တင်ဆက်ပေးမယ့် သတင်းတွေကတော့ -ရခိုင်ပြည်၊မြောက်ဦးမြို့နယ်မှာ ပြည်သူ ၃၅ ဦး သေဆုံးခဲ့ရတဲ့ မြောက်ဦးဆေးရုံကို စစ်တပ်က လေကြောင်းတိုက်ခိုက်ခဲ့မှုအပေါ် အမျိုးသားညီညွတ်ရေးအစိုးရ-NUG က အပြင်းအထန်ရှုတ်ချ လိုက်ပြီး ကုလသမဂ္ဂနဲ့ ICC တရားရုံးအပါအဝင် နိုင်ငံတကာက စစ်အုပ်စုကို အရေးယူဖို့ တောင်းဆိုလိုက်ပါတယ်။ TNLA က စစ်တပ်ဆီကို ပြန်လည်လွှဲပြောင်းပေးလိုက်တဲ့ မိုးကုတ်-မိုးမိတ်ဒေသကို ပြန်လည်ထိန်းချုပ် နိုင်ရေးအတွက် အမျိုးသားညီညွတ်ရေးအစိုးရ- NUG က PDF နဲ့ ပကဖ တပ်ရင်းတွေကို စုစည်းပြီး စစ်ဆင်ရေးစစ်ဦးစီးအဖွဲ့ ဖွဲ့စည်းကာ တိုက်ပွဲဝင်နေတယ်လို့ အမျိုးသားညီညွတ်ရေးအစိုးရ-NUG ၊ ပြည်ထောင်စုဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က ပြောပါတယ်။ မြန်မာနိုင်ငံမှာ လာမယ့် ၂၀၂၆ နှစ်အတွင်း နေရပ်စွန့်ခွာတိမ်းရှောင်မှုတွေ မြင့်တက်လာနိုင်ပြီး လူ ၁၂ သန်းရဲ့ ဝမ်းရေးဒုက္ခအခြေအနေမှာလည်း လက်မခံနိုင်လောက်အောင် ဆိုးဆိုးရွားရွား ရင်ဆိုင်ရနိုင်တယ်လို့ ကမ္ဘာ့စားနပ်ရိက္ခာ အဖွဲ့- WFPက သတိပေးလိုက်တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။