澳門｜舊城區小巷！雀仔園現狀大公開 ｜隱世哪吒廟、鹹蝦巷、大炮台橫街美食｜探索小巷30年老字號｜排隊全係遊客？營地大街排隊牛扒茶餐廳！究竟係神級美食定遊客陷阱？｜自費｜日常Vlog

加入我的youtube會員，每月只需10元，希望大家多多支持    / @853lifemacau   今日帶大家由華士古達嘉馬花園出發，途經雀仔園，再經水坑尾天橋行去醫院後街，參觀哪吒廟，接著穿過大炮台下街落到賣草地，最後落腳營地大街食午飯！ 雖然平時可以由天神巷嗰邊直行過去，但我今次想帶大家行一條遊客少行、平時比較少見嘅隱藏路線，帶大家睇吓不一樣嘅澳門風貌。 第一站嚟到雀仔園。正如上次提到，呢度而家真係好靜、少咗好多人行，旁邊唔少大排檔都冇人租。正如上次阿姨所講，就算開門做生意都可能蝕本，所以而家經過同以往相比，真係變咗好多。不過，雀仔園依然有幾間好出名嘅老字號，例如新恒心飯店，經濟實惠又好食，一直深受街坊同遊客歡迎。 離開雀仔園後，我經水坑尾天橋行去醫院橫街，再上到醫院後街。上到嚟，如果沿右手邊落去可以去到婆仔屋；而我今日就選擇轉左，前往哪吒廟。喺醫院後街呢度有間咖啡店，每次我拍片經過都見佢堅持營業，喺澳門呢啲咁隱蔽嘅小巷都可以屹立唔倒，證明佢嘅出品真係有一定實力！ 接著經過大炮台斜巷，左手邊可以落返去國華商場，直上就係大炮台。今次我轉入連安後巷，呢度藏著一間經營咗 30 多年嘅蕃茄屋美食。雖然位置極度隱蔽，但依然吸引好多人特登搵上門食！行前少少就係哪吒廟斜巷，呢度有間彬記美食，食物質素相當不錯。順帶一提，呢度嘅哪吒廟同大三巴旁邊嗰個唔同；大家行呢條斜巷時上記要小心，因為行人路好窄，而且經常有車經過。 繼續行就嚟到大炮台下街，呢度有一條名字好特別嘅橫街叫做「鹹蝦巷」。一路直行會去到大炮台街，呢度有另一間蕃茄屋（即係我上次食過同介紹過嗰間）。再直落就係賣草地街，呢度有間旺記咖啡（如果冇記錯，應該同氹仔官也街口嗰間係同一個品牌）。 由賣草地轉左落高美街，最後就到達營地大街。今日食午飯嘅地方雖然位於旅遊區，但我上次經過發現一個好有趣嘅現象——排隊嘅全係遊客，竟然完全冇本地人！呢間係一間食牛扒嘅茶餐廳，喺好奇心驅使之下，我決定抱住「一試」嘅心態過嚟探店，睇吓佢到底憑咩吸引咁多人排隊？係真係好食，定係踩雷又貴？ 順帶一提，呢間牛扒茶餐廳對面係好景飯店，上次經過見到超級多人買外賣！究竟今日呢餐牛扒會唔會令人失望？即刻帶大家睇睇！ 如果鍾意呢類型澳門街坊美食探訪，記得Like同訂閱我哋，下次帶你食更多隱藏小店！ YouTube : 853lifemacau facebook : 生活大小事853lifemacau E-mail : [email protected] 🏠金福龍葡式牛扒茶餐廳 📍新馬路吉慶巷26號地舖 ☎️28921218 #澳門 #澳門美食 #澳門散步路線 #澳門自由行 #澳門深度遊 #澳門隱世美食 #營地大街美食 #雀仔園 #澳門探店 #澳門茶餐廳 #鹹蝦巷 #大炮台美食 #澳門網紅店 #澳門旅遊 #澳門老字號 #澳門小巷探秘 #日常 #自費 #日常vlog #美食 #自取 #food #delicious #travel #小吃 #生活日常 #生活大小事 #853lifemacau #澳門購物 #澳門新地標 #澳門商場 #澳門吃喝玩樂 #澳門購物 #免稅 #澳門免稅 #澳門旅遊 #澳門旅行 #澳門生活 #澳門生活資訊 #macautravel #macau #澳門 #商場 #時尚 #澳門商場 #Allin #Fun #allinfun