SINC 2018 Founders Day Nanjil Sampath Speech

சர் ஐசக் நியூட்டன் கல்வி நிறுவனங்களின் நிறுவனர் திரு. வின்சென்ட் தண்டபாணி பிள்ளை அவர்களின் பதிமூன்றாம் ஆண்டு நினைவு தினம் அனுசரிக்கப்பட்டது. இவ்விழாவில், சர் ஐசக் நியூட்டன் கல்வி நிறுவனங்களின் தாளாளர் திரு. த. ஆனந்த், முன்னாள் வேளாண் விற்பனைக் குழு தலைவர் திரு. அ. அம்பலவாணன் அவர்கள், பொறியியல் கல்லூரி ஆலோசகர் முனைவர் லெட்சுமி நாராயணன், சர் ஐசக் நியூட்டன் கல்வி நிறுவனங்களின் செயலாளர் திரு. த. மகேஸ்வரன், இயக்குநர் த. சங்கர், நிர்வாக அலுவலர் திரு. மு. குமார், கல்லூரி முதல்வர்கள், பேராசிரியர்கள், மாணவ, மாணவியர்கள் மற்றும் பலர் மலர் தூவி நினைவு தின நிகழ்ச்சியை நடத்தினர். மேலும், இந்நிகழ்ச்சியில் சிறப்பு விருந்தினராக சிந்தனைச் சொற்பொழிவாளர் திரு. நாஞ்சில் சம்பத் அவர்கள் கலந்து கொண்டு விடியலை நோக்கி என்ற தலைப்பில் சிறப்புரை நிகழ்த்தினார். இவரது உரையில், ஒரு மனிதனுக்கு நிலையான வாழ்க்கையை தருவது கல்வி மட்டுமே. ஒரு மனிதன் ஏழையாகவோ, பணக்காரனாகவோ அல்லது கோடீஸ்வரனாகவோ இருக்கலாம் ஆனால் அது என்றும் நிலையானது அல்ல. நாம் மென்மேலும் பயிலக்கூடிய கல்வி மட்டும்தான் நம்மை உயர்ந்த நிலைக்கு கொண்டு செல்லும் என்று கருத்தில் கொண்டு நாம் பயிலவேண்டும். விடியலை நோக்கி என்பது நாம் விடியும் வரை படித்துக் கொண்டே இருப்பதுதான் இங்கு பயிலக்கூடிய மாணவ, மாணவிகள் மனதில் நாம் என்ன செய்ய வேண்டும் எந்த துறைக்குச் செல்ல வேண்டும் என்று மனதில் நிறுத்திக் கொண்டு முயற்சி செய்தால் கட்டாயமாக நீங்கள் அந்த இலக்கினை அடையமுடியும். உங்களுடைய தாய், தந்தையர்கள் எவ்வளவு கஷ்டப்பட்டு உங்களை கல்லூரிக்கு அனுப்புகிறார்கள் என்று நன்றாக உங்களுக்கு தெரிந்திருக்கும். அதை மனதில் கொண்டு சிறப்பாக படித்து நல்ல வேலையில் அமரவேண்டும் என்று இந்த நிறுவனருடைய நினைவுநாளில் வாழ்த்தி வணங்குகிறேன். நிறுவனர் நினைவு நாளை முன்னிட்டு சர் ஐசக் நியூட்டன் கல்வி நிறுவனங்கள் மற்றும் மாவட்ட பார்வை இழப்பு தடுப்பு சங்கம் மற்றும் பாண்டிச்சேரி அரவிந்த் கண் மருத்துவனை இணைந்து இலவச மாபெரும் கண் பரிசோதனை முகாம் நடைபெற்றது. இம்முகாமில் 300க்கும் மேற்பட்டோர் கலந்துகொண்டதில் சுமார் 60 பேர் இலவச கண் அறுவை சிகிச்சைக்காக அழைத்து செல்லப்பட்டார்கள். மேலும், இவ்விழாவில் நாகை ரோட்டரி சங்கம், லயன்ஸ் சங்கம், வர்த்தகர் சங்கம், ஜேசிஐ சங்க பிரதிநிதிகள் கலந்து கொண்டனர். முன்னதாக சர் ஐசக் நியூட்டன் கல்வி நிறுவனங்களின் இயக்குநர் திரு. த. சங்கர் அவர்கள் வரவேற்புரை நிகழ்த்தினார். இவ்விழாவில் அனைத்து கல்லூரி மாணவர்களும் கலந்து கொண்டனர். முடிவில், சர் ஐசக் நியூட்டன் கல்வியியல் கல்லூரி முதல்வர் திரு. ஆர். முருகதாஸ் அவர்கள் நன்றியுரை கூறினார்.