TRIKITRAKA TRIKITRON 2008 (6x11) Zalla - "ULISES ETA TXIRRIMAKO"

2008ko otsailaren 11an Zallako Zine antzokian grabatua. Euskal Telebistak 2008. urtean zehar emititutako Trikitraka Trikitron programaren 6. denboraldiko 11. atala da hau, 2008. urteko otsailaren 11an Zallako Zine antzokian grabatua. Atal honetan, Txirri dei garrantzitsu baten zain azalduko da geltokian. Txirriri, gainontzeko geltokiko lagunak gehituko zaizkio. Ondoren, aitona Pepittonek eta amona Matixonak haien gaztaroa eta gazte izatearen inguruan hitz egingo dute. Tartean, Patxi Labordak eskotixa dantzatzen erakutsiko digu. Gainera, Kakusai eta pailazo juniorrak ere etorriko dira geltokira. Azken partean, pailazoek Ulises eta Telemakoren istorioa antzeztuko dute. Gainera, Txirri, Mirri eta Txiribitonek abesti hauek abestuko dituzte: "Bart non ote nintzen ni?”, “Zirt-zart”, “Asmakiloka” eta “Altza Pelipe!”