萬眾同心公益金｜Gigi笑姑丈求合照勁怕醜 許志安籌備來年香港開騷

萬眾同心公益金｜Gigi笑姑丈求合照勁怕醜 許志安籌備來年香港開騷 慈善籌款節目《萬眾同心公益金》6月3號晚圓滿結束，多位嘉賓為慈善落力表演，好似 炎明熹 《中年好聲音》嘅 周吉佩 李佳 龍婷 羅啟豪 顏志恒 吳大強 等，加埋 陳美齡 譚嘉儀 曾比特 朱主愛 余宗遙 鍾柔美 ，而近年甚少公開演出嘅 張德蘭 呢日亦罕有登台為慈善出力，仲話非常留意《聲夢》同《好聲音》參賽者嘅演出呀。 呢日唔少參與歌手都把握機會同佢合照，當中梗係唔少得Gigi啦，而Gigi仲大爆平時極少同藝人合照嘅姑丈，呢日都公開要求集郵，Gigi仲笑返怕醜姑丈轉頭呀。 Yumi好快就會踏入中學最後一年，近日正埋首溫習考試嘅佢，就話已經開始對來年嘅DSE感到緊張，仲話會好好安排時間準備，不過大家亦唔使擔心，因為佢同Gigi都好快會有新歌推出喇。 早前往美國登台開騷嘅 許志安 呢日都係表演嘉賓之一，佢亦現場獻唱新歌，受訪時亦提到重訪一廠見到現場觀眾令自己憶起當年，又指即將會喺新加坡開騷，亦正籌備香港嘅表演，不過估計就要出年先可以成事喇。 《中年好聲音》嘅幾位成員呢晚由過去嘅觀眾變成表演者，佢哋都覺得非常開心，仲話感覺非常有趣呀。羅啟豪呢晚就再同媽咪同台演出，不過羅媽媽就話非常緊張喇。龍婷同李佳呢晚亦大展歌喉，不過去到後台就變成小Fans同各位前輩見面合照喇。 新時代歌手阿Mike亦都同朱主愛仲有余宗遙合作，仲爆不時狂Loop朱主愛嘅網絡神曲咁話呀。 #萬眾同心公益金 #張德蘭 #炎明熹 #鍾柔美 #許志安 #吳大強 #周吉佩 #顏志恒 #羅啟豪 #龍婷 #李佳 #曾比特 #朱主愛 #余宗遙 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0