Mbunge ataka kuandamana kupeleka wananchi wake kwa familia za Mawaziri "Kila mmoja ajitathmini"

Mbunge wa Mbogwe Nicodemus Maganga (CCM) amesema yeye na wananchi wake wataandamana kwenda katika familia za Mawaziri na Naibu wao ili wakatatua changamoto za wananchi. Maganga ametoa kauli hiyo bungeni leo Alhamisi April 13,2023 wakati akichangia kwenye Hotuba ya Waziri Mkuu kwa maombi ya mapato na matumizi ya fedha kwa mwaka 2023/24. Katika mchango wake ambao ulikuwa wa mwisho kwa upande wa wabunge kabla ya Serikali kuanza kujibu, Maganga amesema wapo baadhi ya wateule hao wa Rais hajui waliteuliwa kwa sifa zipi maana utendaji kazi wao haujulikani.