Dina Pule "vergeet" om belange te verklaar, nog intrige oor Zuma, Jhb het geld vir 12 dae

DINA PULE: Dina Pule, die nuwe minister van maatskaplike ontwikkeling, het steeds nie al haar belange aan die parlement verklaar nie, en oortree dus klaarblyklik weer die parlement se etiek-kode. Sy is 10 jaar gelede ook deur die parlement skuldig bevind aan onetiese gedrag. Pule se woordvoer het eers ná druktyd kommentaar gelewer en gesê dit is ’n oorsig wat teen 10 Julie reggestel sal wees. JOHANNESBURG SE GELDKRISIS: Johannesburg het net 12 dae se kontant in die bank oor, maar die stad se burgemeester, Dada Morero, is vol vertroue dat dié situasie teen middel-Julie reggestel sal word. Die nasionale tesourie weerhou tans R3,6 miljard weens dié metroraad se swak finansiële bestuur. ZUMA WEER ONDER SKOOT: Oudpresident Jacob Zuma se besoek aan sy vriend Ajay Gupta het opnuut onder skoot gekom – veral nadat hy en prof. Anil Sooklal, Suid-Afrika se hoëkommissaris in Indië, ook tydens dié besoek ontmoet het. Zuma en Sooklal se broer, adv. Ajay Sooklal, ken mekaar reeds sedert die Wapenskandaal. AFRIKANERS EN BOZELL: Afgevaardigdes van die beweging Afrikaners vir Suid-Afrika vergader volgende week met die Amerikaanse ambassadeur, Leo Brent Bozell III. Hulle wil aan Bozell sê dat Afrikaners nie slagoffers is van ʼn sogenaamde volksmoord nie, maar dat al 62 miljoen Suid-Afrikaners die slagoffers is van ʼn swak regering. RADOVAN KREJCIR IN DIE HOF: Die veroordeelde Tsjeggiese dwelmbaas Radovan Krejcir het onder streng bewaking in die Palm Ridge-landdroshof in Johannesburg verskyn. Die verrigtinge was hoofsaaklik administratief van aard. Krejcir het egter die geleentheid benut om te kla oor die vertragings van strafsake teen hom. WOEDE NEEM WERELDWYD TOE: Kenners sê is woede wêreldwyd aan die toeneem. Hulle verwys daarna as die sogenaamde “era van woede”, en sê daar is verskeie redes hiervoor. Dit sluit sosiale media algoritmes, politieke verdeeldheid, sosiale ongelykheid en ekonomiese redes in. KOMMER OOR WILDE SAMPIOENE: Die Wes-Kaapse departement van gesondheid en welstand maan inwoners van die provinsie om nie wilde sampioene te eet nie, omdat selfs net een hap van sekere spesies dodelik kan wees. Wilde sampioene verskyn nou oral in tuine, parke, wingerde en woude. Kry Die Papier Vrydag in 'n winkel naby jou! 🔔 TEKEN IN vir volgende week se uitsending! Besoek www.diepapier.co.za Die Papier Praat Aanbieder: Daniëlla van Heerden Sportaanbieder: Jana Swart Produksieredakteur: Ilse Salzwedel Uitvoerende vervaardiger: Bettie Giliomee-Rossouw Bemarking: Amy Lé-Semper en Breinstorm Brand Architects Vervaardig in opdrag van Novus Media Vir Novus Media: Esmé Smit (Hoofbestuurder) Jeannine van Zyl (Hoof van Premium Publikasies) Vir Die Papier: Barnard Beukman (Redakteur) Lucia Poolman (Nuusredakteur) Stehan Schoeman (Sportredakteur) Vir NovaNews: Lise Beyers (Nasionale redakteur: digitale nuus) Dustin Wetdewich (Nasionale sportredakteur: digitale nuus) Die Papier Praat Aanbieder: Daniëlla van Heerden Sportaanbieder: Jana Swart Produksieredakteur: Ilse Salzwedel Uitvoerende vervaardiger: Bettie Giliomee-Rossouw Bemarking: Amy Lé-Semper en Breinstorm Brand Architects Vervaardig in opdrag van Novus Media Vir Novus Media: Esmé Smit (Hoofbestuurder) Jeannine van Zyl (Hoof van Premium Publikasies) Vir Die Papier: Barnard Beukman (Redakteur) Lucia Poolman (Nuusredakteur) Stehan Schoeman (Sportredakteur) Vir NovaNews: Lise Beyers (Nasionale redakteur: digitale nuus) Dustin Wetdewich (Nasionale sportredakteur: digitale nuus)