Hetimet e policisë së shtetit për dinamikën e vrasjes së Mëzezit-(19 Prill 2006)

Lajme Arkiva 2006 Hetuesit ende nuk kanë identifikuar vrasësit e Festim Hoxhës dhe shoferit të taksisë, Thoma Bino, megjithëse skeda penale e Hoxhës është e plotë. Në fshatin Mëzez një punonjës policie është ende në vendngjarje në pritje të ekspertëve të cilët duhet të mbledhin provat e fundit në vendin ku makinës i është bërë prita. Sipas prokurorisë vrasja e dyfishtë dhe plagosja e një personi të tretë e ka zanafillën dy vjet e gjysmë më parë. Pista kryesore e lidh ngjarjen me një konflikt të nisur në vitin 2004. Për këtë Petrit Driza ka plagosur Altin Hoxhën, i afërmi i viktimës. Në 14 Dhjetor 2005 në Kombinat të Tiranës, Driza vritet teksa po pinte kafe. Policia arrestoi Altin Hoxhën dhe dy bashkëpunëtorët e tij, Ilir Nezirin dhe Xhemal Adillarin. Duke ndjekur linjën e hakmarrjes hetuesit dyshojnë se në shënjestër të palës tjetër ka qenë gjatë këtyre muajve 40-vjeçari, Festim Hoxha. Nga dëshmitë e mbledhura rezulton se ai asnjëherë nuk lëvizte vetëm, ndërsa gjashtë orët e fundit të jetës kishte marrë në dispozicion shoferin Thoma Bino, i cili humbi jetën me të. Shoqëruesi tjetër, Ramazan Dorzi, mbeti i plagosur. Ekzekutimi i tyre ndodhi pak çaste pasi ata po ktheheshin nga lojërat e fatit dhe ishin drejtuar në lagjen Kombinat. Policia ka shoqëruar disa të dyshuar që janë marrë në pyetje, por ende nuk ka një përfundim zyrtar për ngjarjen e rëndë./tvklan.al Gazetare: Anila Hoxha SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/