بريدك: خوجلي عثمان كلمات تاج السر عباس

بريدك كلمات تاج السر عباس اداء خوجلي عثمان ... كتير بتناسا ايديا و اسيبها عنيه فوق إيدك و ادي عيونك أحلى كلام تعيد بيهو يوم عيدك و كل القصة لو عارفه أنا الزول الصحي بريدك بريييييدك .. حكاية الريدة بيناتنا حنينة بجيبا ليكي غناي زي ما قالو ليك رياد حكايتي بتغلب الهداي وحاتك و انتي بي جنبي بحسك انتي في جواي جمال ماخد شموخ بلدي وسحاب ليهوا الزرع رجاي .. يوم بي الصدفة نتقابل و يبادرك من عيوني سؤال تعملي انتي زي ناسية و يداعب خاطري حسن الفال تمد إيديها يارب لي تفوت تنساني لا لا محال تهمس ليكي كلام الريد غناوي تفرح الأطفال .. كتير بتناسا ايديا و اسيبها عنيه فوق ايدك و ادي عيونك أحلى كلام تعيد بيهو يوم عيدك وكل القصة لو عارفه أنا الزول الصحي بريدك برييييييييييدك ،،،