Bloger "Arzum"un məhkəməsində nələr üzə çıxdı? - Ölümlə nəticələnən hadisənin detalları - Baku TV

Bloger "Arzum"un məhkəməsində nələr üzə çıxdı? - Ölümlə nəticələnən hadisənin detalları - Baku TV Yol qəzasında bir nəfərin ölümü və digərinin xəsarət almasında təqsirləndirilən "Arzum 9999" ləqəbli tiktoker İlduzə Hacıyevanın cinayət işi üzrə məhkəmə prosesi başlayıb. Xəzər Rayon Məhkəməsində keçirilən prosesdə ilk olaraq zərərçəkmiş tərəfin müdafiəçisi məhkəməyə vəsatət verib. Vəsatətdə göstərib ki, təqsirləndirilən şəxs İlduzə Hacıyeva sola dönmək istəyərkən xəbərdarlıq işığından istifadə etməyib. Bu məsələ tərəflər arasında mübahisə yaratdığından hadisənin görüntülərinə yenidən baxış keçirilib. Baxış zamanı məlum olub ki, dönmə işığından istifadə edilib. Daha sonra "Arzum" ləqəbli tiktokerin vəkili Fərid Həsənov məhkəməyə bir neçə vəsatət verib. Vəkil məhkəmədən hadisə yerinə baxış zamanı tərtib olunmuş hadisə yerinin sxeminin sübutlar siyahısından çıxarılmasını xahiş edib. Eyni zamanda, hadisə ilə bağlı avtotexniki ekspertiza, trasoloji ekspertiza rəylərini verən ekspertlərin və işi aparan müstəntiqin məhkəmə prosesinə çağırılaraq ifadə verməsi ilə bağlı vəsatəti məhkəməyə təqdim edib. Dövlət ittihamçısı Nərmin Tahirzadə vəsatətlərə münasibət bildirərək, ekspertlərin məhkəməyə çağırılmamasını, lakin ibtidai istintaqı aparan müstəntiqin məhkəməyə çağırılmasını məqsədəuyğun hesab edib. Məhkəmə qısa müşavirədən sonra ekspertlərin ifadə verməsi ilə bağlı vəsatətləri təmin etməyib, lakin müstəntiqin məhkəməyə çağırılaraq ifadə verməsi ilə bağlı vəsatəti təmin edib. Prosesdə mərhumun anası – zərərçəkmiş şəxsin hüquqi varisinin səhhətində problem olduğu üçün hüquqi varisliyin qızına verilməsi məsələsinə toxunulub. Bildirilib ki, etibarnamə veriləndən sonra onun hüquqi varisliyi təmin ediləcək. Məhkəmənin növbəti iclası iyunun 11-nə təyin edilib. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv Bloger "Arzum"un məhkəməsində nələr üzə çıxdı? - Ölümlə nəticələnən hadisənin detalları - Baku TV 2026 © All Rights Reserved ℗ "Baku TV" LLC ™ #bakutv #bakutvxəbər #gündəm #bloger #məhkəmə #istintaq #cinayətişi #hadisə baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan