Operacion i RENEA-s në Tropojë, vritet i shumëkërkuar Pëllumb Ndre Vataj - (16 Prill 2006)

Lajme arkiva 2006 Një i shumëkërkuar nga drejtësia shqiptare ka mbetur i vrarë mëngjesin e sotëm nga forcat RENEA-s, gjatë një operacioni të kryer në Tropojë për arrestimin e tij. Pëllumb Ndre Vataj i moshës 35-vjeç është qëlluar nga specialët pas rezistencës me armë që ai u ka bërë forcave të policisë për t’u dorëzuar. Pëllumb Ndre Vataj akuzohet për kryerjen e 4 vrasjeve të vërtetuara edhe dyshohet për disa vrasje të tjera. Në vitin 2000 ai ka vrarë Gjen Mrishajn në Bajram Curr. Ndërkaq gjykata e Tiranës në vitin 2003 e ka dënuar atë me burgim të përjetshëm për veprën penale vrasje me paramendim për hakmarrje, e gjakmarrje. Por në vitin 2001 ai ka vrarë shtetasin Rexhep Gjeloshi dhe për këtë vrasje është dënuar në mungesë nga gjykata e Tropojës me 23 vjet burg. Forcat RENEA të dërguara nga Tirana kanë rrethuar shtëpinë e tij, për rreth 3 orë Ndre Vataj ka kundërshtuar punonjësit e policisë, duke ju kundër përgjigjur atyre me armë. Operacioni i konsideruar “Blic” është mbyllur me vrasjen e 35-vjeçarit i cili mbi vete akuzat e rënda të vrasjeve dhe një verdikt nga gjyqësori përkatësisht atë të heqjes së lirisë përjetësisht. Në të vërtet Tropoja ka qenë zona ku për vite me radhë ishte e vështirë për policinë që të ndërhynte apo të kryente aksione. Pas kontrollit në kullën e Haklajve ku u gjet një arsenal i konsiderueshëm armësh, ky operacion dhe pse me bilanc 1 të vrarë tregon vendosmërinë e policisë për kapjen e personave me precedent penal dhe largimin e idesë se Tropoja ishte një rreth ku policia nuk po mundej të hynte./tvklan.al Gazetare: Anila Hoxha SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/