လှာကဒေါင်အင်း နဲ့ ကော့ကသောင်ရေကန်

လှာကဒေါင်အင်းမှာ အကြော်စားပြီး ကော့ကသောင်ရေကူးကန်မှာ ရေသွားကူးကြမယ် ဒီနေ့ကတော့ နေ့ခင်းမှ ထွက်ဖြစ်တာနဲ့ အရင်ဆုံး လှာကဒေါင်အင်းကို ရောက်ခဲဲ့ကြပါတယ်၊ အင်းက ဇွဲကပင်တောင် နောက်ခံနဲ့မို့ ရှုခင်းတွေလှပြီး ဘဲလှေတွေစီးကာ အင်းထဲ ရှုခင်းပတ်ကြည့် စီးနိုင်ပါတယ်။ အင်းပတ်လည်မှာ စားသောက်ဆိုင်တွေ ရှိပေမယ့် အကြော်လဲကောင်းတယ် ဆိုင်လဲအဆင်ပြေတယ်ဆိုတဲ့ Sweet ဆိုတဲ့ ဆိုင်မှာ အကြော်ထိုင်စားခဲ့ကြပါတယ်၊ မိုးကလဲ ဖွဲဖွဲကျ ၊ အကြော်ပူပူလေးတွေနဲ့ ရေနွေးကြမ်းပူပူလေးက အရမ်းလိုက်ဖက်ပါတယ် အဲဒီမှာစားပြီးတာနဲ့ ကော့ကသောင်ဂူရှိရာကို သွားပြီး ပတ်လမ်းဘေးက ကော့ကသောင်ရေကန်ကို သွားခဲ့ကြပါတယ်၊ ကော့ကသောင်ရေကူးကန်ရှိတဲ့ ဘေးနံရံတွေမှာ စွန့်ထားတာလား ဘာလားမသိတဲ့ နတ်ရုပ်တွေ အပြင်အဆင်တွေက ထိုင်းသရဲကားလို ကြောက်စရာကြီးဖြစ်နေတာတော့ အမှန်ပါ။ ကော့ကသောင်ကန်ကိုရောက်တယ်ဆိုရင်ပဲ ရေကြည်ကြည်လေးနဲ့ ကန်မှာရေချိုးနေတာမြင်ရပါတယ်၊ သူ့ဘေးက ကန်ကတော့ နောက်မှ ထပ်လုပ်ပေးတဲ့ လူလုပ်ကန်ဖြစ်ပြီး သဘာဝကန်လို ရေဝင်ရေထွက် မကောင်းတာရယ် ၊ လူတွေလဲ မချိုးတာရယ်ကြောင့် ကန်အနေအထား၂ခုက မိုးနဲ့မြေလို ကွာခြားနေပါတယ်၊ ရေညှိတွေလဲ ပေါက်နေပြီး အပြင်ဘက်ကလာတဲ့ရေသာဝင်တာမို့ သဘာဝကန်လို စမ်းပေါက်မရှိတာမို့ မကြည်လင်ပါဘူး။ ဒါနဲ့ သဘာဝကန်ဘက်ခြမ်းကိုပဲ ဆင်းဖူးတယ်ရှိအောင် ဆင်းခဲ့ပါတယ်၊ တကယ်တော့ ဒီကန်မှာ ရေချိူးရတဲ့ အရသာကို တကယ်မကြိုက်ပါဘူး၊ မျှော်လင့်ခဲ့တာက နောင်ခလိုင်လို ရှင်းရှင်းလင်းလင်းနဲ့ သဘာဝအလှကြည့်ရေကူးရမယ်ထင်ခဲ့တာပါ၊ အခုကျတော့ စားသောက်ဆိုင်တွေ ပတ်လည်ဝိုင်းနေပြီး အဲဒီဆိုင်တွေရဲ့ ကြားမှာ ကိုယ်က ရေကူးနေရသလိုဖြစ်နေတာရယ် ၊ ဆိုင်တွေက မြင်ကွင်းကို ပိတ်ဆို့နေတာရယ် ၊ ဆိုင်တွေရဲ့ အောက်ကရေနဲ့ ဒီကန်ကရေနဲ့ ဆက်စပ်နေတာမို့ ရေကကောင်းပါ့မလားလို့ စိတ်ထဲရောက်နေတာမို့ပါ။ ဒီလိုရေကူးရမှာကို စိတ်ထဲ ဘယ်လိုမှ လက်မခံနိုင်ဘူးဖြစ်နေတာနဲ့ နောင်ခရိုင်ရေဂူကိုပဲ ထပ်သွားဖြစ်ခဲ့ပါတယ် နောက်တပိုင်းမှာ ဇွဲကပင်တောင်ကြားလမ်းနဲ့ နောင်ခရိုင်ရေဂူထပ်သွားတာကို တင်ပေးပါမယ် #Vlog #myanmar #travel #nature #hpaan #vlog #myanmar #travel #nature #hpaan #မြန်မာ #scenery #themomentswithcharm #dji #ကော့ကသောင် #ကရင် #kayin #travel #လှာကဒေါင်အင်း #DEMU #ရထား #train