YESU KRISTO NDIYE DARASA LETU LA VITENDO TUNALOTAKIWA KUJIFUNZA KILA SIKU.

1. UTANGULIZI: Moja ya tabia iliyo na ushawishi mkubwa sana, na ambayo huwafanya watu wamfuate mtu huyo bila kulazimishwa; ni tabia ya mtu kuishi kama maneno yake anayoyasema (anayowafundisha) Yesu Kristo katika mafundisho yake ya awali kabisa katika mlima wa Mzeituni (tafsiri nyingine zinasema kwamba wanafunzi wake waliketi chini ya miguu yake), "Pamoja na Yesu Kristo kuanza kwa kutoa baraka kwa wanafunzi wake mapema tofauti na desturi ya wazee wa Kiyahudi na Wafalme wa Kiyahudi ambao walitoa Baraka zao muda mfupi tu kabla ya kufa kwao Mwanzo. 25: 5-8, Mwanzo. 27 : 1 - 4, Mwanz. 49:1, 28 - 33,1Wafalme 2: 1 - 4 n.k ( walitoa Baraka zao wakati wa mwisho kabisa wa maisha yao, Yesu anawaeleza wanafunzi wake siri 9 za kubarikiwa mapema kabisa wakati akiwa bado kijana katika mafundisho yake; Mathayo 5:1-12 - Hili nalo ni darasa la kujifunza kwa Yesu leo, tuwabariki watoto wetu wakati tukiwa na nguvu, kuliko kungojea tuzeeke karibu ya kufa!!!! Tukiwabariki watoto wetu mapema, tutakuwa na nafasi ya kuwashauri pale wanapotaka kupotoka küliko kuwabariki na baada ya kuwabariki unakufa.