रामरक्षा प्रवचन-१६ | रक्षा कवचाचे रहस्य - शिरो मे राघव: पातु | Aniruddha Bapu | Ram Raksha Pravachan

दिनांक ०३ मार्च २००५ रोजी केलेल्या रामरक्षेवरील प्रवचनामध्ये, ‘रक्षाकवचा’वरील विवेचन सुरू करताना सद्गुरु अनिरुद्ध बापू, ह्या रक्षाकवचाशी संबंधित एक खूप मोठे रहस्य उलगडून सांगतात की हे रक्षाकवच म्हणत असताना आमची मनोभूमिका काय असली पाहिजे, ज्याने आमचा सर्वाधिक फायदा होईल. तसेच, ह्या रक्षाकवचामधील वेगवेगळ्या ओळींमध्ये श्रीरामाकरिता - कधी ‘राघव’, कधी ‘दशरथात्मज’, कधी ‘कौसल्येय’, कधी ‘सौमित्रीवत्सल’ अशी वेगवेगळी विशेषणे वापरली गेली आहेत, ती का ह्याचेही उत्तर सद्गुरु बापू इथे देतात आणि ते-ते विशेषणच त्या-त्या ठिकाणी कसे उचित आहे, हेदेखील ते उदाहरणांसहित स्पष्ट करतात. रक्षाकवचाची पहिलीच ओळ आहे - ‘शिरो मे राघव: पातु’, अर्थात ‘हा राघव माझ्या शिराचे रक्षण करो’. पण इथे ‘शिर’ म्हणजे केवळ ‘शारीरिक डोके’ नव्हे, तर इतरही अनेक गोष्टी ह्या ओळीतील ‘शिर’ शब्दामध्ये अंतर्भूत आहेत, हे सांगतानाच, इथे श्रीरामांकरिता ‘राघव’ हा शब्दप्रयोगच का केला गेला आहे, तेदेखील सद्गुरु अनिरुद्ध उलगडून दाखवतात. असंतुलन, भय, लघुत्व ह्यांची परिसीमा म्हणजे रावण; तर संतुलन देणारा, भय नष्ट करणारा, गुरुत्वाकडे नेणारा तो राघव. त्यामुळे हे संतुलन, गुरुत्व हा ‘राघव’ असणारा रामच कसा देऊ शकतो, ह्याचेही विश्लेषण ते करतात. ‘नुपेक्षी कदा राम दासाभिमानी’ हे समर्थ रामदास स्वामींनी ठामपणे सांगितले आहे, ह्याची आठवण करून देतानाच, ‘मात्र त्याकरिता आपल्याला रामाचा दास बनायला हवे’ ह्याचीही जाणीव सद्गुरु बापू करून देतात. हा दास बनण्याची पहिली पायरी म्हणजे ‘लहानपण स्वीकारणे’ हे सांगतानाच, ‘लहानपण’ म्हणजे ‘लघुत्व’ नव्हे हे भक्तश्रेष्ठ हनुमंताची उदाहरणे देऊन स्पष्ट करतात व शेवटी भगवंताकडे - ‘लहानपण दे गा देवा’ हेच मागणे मागण्यास सांगतात. Previous Ramraksha Pravachan -    • रामरक्षा प्रवचन-१५ | अध्यात्मात ‘१ ते ९९’ ...   Next Ramraksha Pravachan -    • रामरक्षा प्रवचन-१७ | भालं दशरथात्मज: - मना...   #Ramraksha #aniruddhabapu #sunderkand ©℗ ---------------------------------- Join the WhatsApp Channel - https://whatsapp.com/channel/0029Vb9c... For more information about Sadguru Shree Aniruddha (Bapu) - Aniruddha Devotion Sentience site - https://aniruddha-devotionsentience.com/ Samirsinh Dattopadhye blog - https://sadguruaniruddhabapu.com Watch live events - https://www.aniruddha.tv Know more about the Devotional Services carried out under the guidance of Sadguru Shree Aniruddha (Bapu) - http://www.aniruddhasadm.com https://aniruddha-aadeshpathak.com ----------------------------------