MASHINE ZA KISASA ZA KILIMO ZATAWALA MAONESHO YA KILOLO EXPO 2026

Maendeleo ya teknolojia ya kilimo yameendelea kuvutia wadau mbalimbali katika maonesho ya biashara ya Kilolo Expo, ambapo Mkuu wa Wilaya ya Kilolo, Mhe. Estomin Kyando, ametembelea mabanda mbalimbali na kujionea ubunifu wa mashine za kisasa zinazotumika katika shughuli za kilimo. Katika ziara hiyo, Mhe. Mkuu wa Wilaya hiyo alipata nafasi ya kuona mashine za kulima, kupanda na kuvuna mazao ambazo zinaelezwa kusaidia kuongeza tija kwa wakulima na kurahisisha shughuli za uzalishaji. Vilevile, alionesha kuvutiwa na ubunifu wa bidhaa na huduma zinazozalishwa na wajasiriamali wa ndani huku akisisitiza umuhimu wa maonesho hayo kama jukwaa la kukuza biashara, kutangaza fursa za uwekezaji na kuchochea ukuaji wa uchumi wa wananchi wa Kilolo. Pia aliwapongeza wabunifu na wafanyabiashara wanaoendelea kuleta teknolojia zinazosaidia maendeleo ya sekta ya kilimo na uchumi kwa ujumla.