Khit Thit Evening News | May 11 , 2026

Khit Thit သတင်းဌာန၏ မေ ၁၁ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၁ ရက် ညနေပိုင်း တင်ဆက်ပေးမယ့် သတင်းတွေကတော့ မြန်မာနိုင်ငံမှာ စစ်တပ်က အာဏာသိမ်းမှုကို ဆန့်ကျင်ကန့်ကွက်နေတဲ့ စင်ကာပူနိုင်ငံနဲ့ တီမောနိုင်ငံတို့က အာဆီယံအလှည့်ကျ ဥက္ကဋ္ဌတွေ အဖြစ် တာဝန်ယူတောမှာဖြစ်ပြီး ၊ မလေးရှား နိုင်ငံခြားရေးဝန်ကြီးကလည်း အာဆီယံမှာ မြန်မာနိုင်ငံ ပြန်လည် နေရာရဖို့ဆိုတာ လုံလောက်တဲ့ လုပ်ဆောင်ချက်မရှိဘူးလို့ အတိအလင်းထုတ်ပြောလိုက်ပါတယ်။ ရန်ကုန်မြို့မှာ စစ်တပ်အသိုင်းအ၀ိုင်းရဲ့ သတ်ဖြတ်မှုကြောင့် ဇနီးဖြစ်သူ သေဆုံးမှုအတွက် တရားခံကို ဖမ်းမပေးတဲ့ စစ်တပ်နဲ့ရဲကို လူမှုကွန်ရက်မှာ ဗီဒီယိုဖြန့်ဝေ ဝေဖန်လို့ဆိုပြီး ဒေါက်တာကောင်းစံကို အကြမ်းဖက်စစ်တပ်က ဖမ်းဆီးသွားတယ်လို့ ဒေါက်တာ ကောင်းစံရဲ့ မိတ်ဆွေတွေကိုယ်တိုင် ရန်ကုန်ခေတ်သစ်ကို ဆက်သွယ်ပြောဆိုလာကြပါတယ်။ ထိုင်းနိုင်ငံ၊ ရနောင်းခရီုင်မှာ မြန်မာနိုင်ငံသား တစ်ဦး ပိုင်ဆိုင်တဲ့ ထိုင်းဘတ်ငွေ သန်း ၅၀ တန်ဖိုးရှိရာ မှောင်ခိုပစ္စည်းတွေကို ထိုင်းဝန်ကြီးချုပ်က သွားရောက်စစ်ဆေးပြီး အံ့ဩတုန်လှုပ်ခဲ့တဲ့အကြောင်း ထိုင်းသတင်းတွေမှာ ဖော်ပြလာပါတယ်။ အရှေ့အလယ်ပိုင်းမှာ စစ်ပွဲဒဏ်ကို ပြင်းပြင်းထန်ထန် ခံနေရတဲ့ အီရန်နိုင်ငံမှာ အစားအသောက်ဈေးနှုန်းတွေ အဆမတန်မြင့်တက်နေတဲ့အတွက် ပြည်သူတွေ ဒုက္ခရောက်နေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။