聲秀．賽前丨張欣翹出場前遺失耳機爆喊 喬美莎以海選歌誘惑登場

聲秀．賽前丨張欣翹出場前遺失耳機爆喊 喬美莎以海選歌誘惑登場 大型歌唱選秀節目《聲秀》將於 3號星期日播出「導師爭奪學員之戰」下半場，唔少導師喺上半場已揀咗學員，手上得返一個名額，所以撳燈時相當手緊，令到下半場超過兩位學員跌入危險區，更有學員自覺表現失準，喺舞台上爆喊。 年紀細細嘅張欣翹（Luna）喺臨出戰時遺失咗用開嘅ear mon，佢強忍住緊張上場，不過唱完就因為太大壓力而缺堤。 事後Luna話ear mon問題冇影響到佢唱歌，但自己未經歷過，加上一直以嚟練歌係戴ear mon，突然間冇咗令到佢好緊張冇咩安全感。作為星級歌手導師嘅鍾舒漫，就話大家嘅表現唔錯，大家由海選到而家，中間做咗好多唔同嘅嘢，例如形象改變等，心態上都重新預備過，但佢就覺得有啲學員會過度重視而令自己更加緊張。泳兒亦讚大家有進步，但名額只得3個，令佢覺得有啲困難。 來自澳洲嘅 喬美莎 （Chelsea）身高同外貌相當出眾，不過佢擔心學唔切廣東話，就以海選歌曲《擋不住的風情》出戰，加上舞步增添另一份韻味。雖然大家咁緊張，但係學員蕭凱恩（Michelle）就帶住微笑出場獻唱，帶畀大家唔少鼓勵，佢喺台上多謝一眾到場支持自己嘅親友，指大家喺佢人生呢本畫簿上增添咗好多顏色。 #聲秀 #導師爭奪學員之戰 #下半場 #張欣翹 #司徒泆 #喬美莎 #泳兒 #鍾舒漫 #擋不住的風情 #蕭凱恩 #人生畫簿 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0