சுருளிப்பட்டி முத்தாலம்மன் கோவில் |Theni kambam Surulipatti Muthalamman Temple Mulaipari thiruvila

#Surulipatti #tamilnews #Muthalamman #theni Theni kambam Surulipatti Muthalamman Temple Mulaipari thiruvila தேனி சுருளிப்பட்டி முத்தாலம்மன் கோவில் முளைப்பாரி திருவிழா..! தேனி: 10-11-2022 தேனி மாவட்டம் கம்பம் அருகே உள்ள சுருளிப் பட்டியில் முத்தாலம்மன் கோவில் திருவிழாவை முன்னிட்டு முருகன், சிவலிங்கம், 10 அடி உயரபுற்றில் பாம்பு படம் எடுப்பது போன்று சற்று வித்தியாசமான அமைப்புகளுடன் 2000 திற்கும் மேற்பட பெண்களின் முளைப்பாரி ஊர்வலம் இன்று (10-11-2022) வெகு விமர்சையாக நடைபெற்றது...!   கடந்த இரண்டு நாட்களாக நடைபெற்ற  இத்திருவிழாவின் நிறைவு நாளான இன்று   முளைப்பாரி ஊர்வலத்தில் பெண்கள், குழந்தைகள், முதியவர்கள் உட்பட 2000 த்திற்கும் மேற்பட்டோர் பங்கேற்று அம்மனை தரிசனம் செய்தனர். நவதானியங்களால் உருவாக்கப்பட்ட இந்த முளைப்பாரி ஊர்வலத்தில்  பார்ப்போரை கவரும் விதத்தில் சற்றே வித்தியாசமாக ஐந்து தலை நாகம்,  குடில், அம்மன், சப்தகன்னிகள், சூலாயுதம், ஓம், படகு, குடை, சிவலிங்கம் என பல்வேறு மாடல்களில் முளைப்பாரிகள் இருந்தாலும் , 10 அடி உயரமுள்ள புற்றில் பாம்பு படம் எடுப்பதுபோல் வந்த முளைப்பாரி பலரையும் கவர்ந்தது. பல்வேறு வீதிகளில் ஊர்வலமாக வந்து பச்சை கீற்றில் உருவாக்கப்பட்ட அம்மன் வீற்றிருந்த குடில் கோயிலை சுற்றி வந்து முல்லை பெரியாற்றில் முளைப்பாரி கரைக்கப்பட்டது.