Бак өстүрөм дегендерге Абдулла Ташиевичтен баалуу кеңештер

“Кыргызстандыктардын баары бак тигиши керек. Бак тигип, андан киреше алган адам бай болот. Мунун аркасында өлкө экономикасында да көрсөткүчтөр жогорулайт!” Мындай чакырыктарды Кыргызстанда түзүлгөн Борбор Азия багбандар биримдигинин жетекчиси, эко-активист Абдулла Капаров акыркы 3 жылдан бери тынбай жасап келет. Бул чакырыктарды ал “Бак даават“ деп атап алган жайы да бар. Эко-активисттин айтымында, биздин өлкөнүн бардык айкмактарында бак өстүрсө болот. Болгону климаттык өзгөчөлүктөрдү эске алып, көчөт тандоонун сырларын билүү зарыл. Мисалы, Абдулла Ташиевич бакты тоо этектерине отургузууну сунуштайт. Бак тигем дегендерди көчөттөрдү туш келди жерден сатып албоого үндөйт. Аларды отургузгандан кийин карап өстүрүү боюнча да өзүнүн сунуштары жана кеп-кеңештери көп. "Дыйкандарга сөөлжан багып, андан биогумус алуу менен түшүмдүүлүктү арттырууну колго алгыла. Ал эми сөөлжан өстүрүүнү Нарын облусунда өнүктүрсө болот,-дейт. Эмне үчүн жана кантип? Мына ушул суроолорго эко-активист, багбан төмөнкү маекте кеңири жооп берет.