FISI AUA MTOTO KATAVI

KATAVI: MTOTO wa kiume mwenye umri wa mwaka mmoja anayefahamika kwa jina la Kulwa Evodius amefariki dunia baada ya kudaiwa kushambuliwa na fisi katika kijiji cha Katsunga kilichopo Halmashauri ya Nsimbo mkoani Katavi. Kufuatia tukio hilo hofu imetanda kwa wakazi wa Katsunga hasa kwa usalama wa watoto wao wakidai kuwa wanyama hao kwa sasa wanaonekana kuwa tishio kwa binadamu. Baba mzazi wa mtoto huyo Evodius Fanuel ameeleza namna alivyopokea taarifa ya kifo cha mtoto wake ambaye ni pacha na kusema amepata mshtuko baada ya kupata taarifa hiyo Kwa upande wake Mganga Mfawidhi hospital ya Manispaa ya Mpanda dokta Limbu Mazoya amethibitisha kupokea mwili wa mtoto huyo ambaye alikuwa na majeraha kichwani yaliyosababishwa na mnyama. Hata hivyo wakazi wa eneo hilo wameiomba serikali kuchukua hatua za haraka kudhibiti wanyama hao ili kulinda maisha ya watu na mali zao. Follow us on: FACEBOOK; SpotiLeo:   / spotileo-176.  . HabariLeo:   / habarileo   DailyNews:   / dailynewstz   INSTAGRAM; HabariLeo: https://instagram.com/habarileo_tz?ig... SpotiLeo: https://instagram.com/spotileo?igshid... TWITTER; Twitter HabariLeo: https://twitter.com/HabariLeo?s=09