साउने संकराई (उधेली पर्व) विशेष कार्यक्रम | Saune Sankranti 2082 | Sanskritik Sansthan

Sanskritik Sansthan Presents:- साउने संकराई (उधेली पर्व) विशेष कार्यक्रम | Saune Sankranti 2082 | Sanskritik Sansthan #saunesankranti #saunesankarai #nepaliculture #nepalifestival #sanskritiksansthan #rastriyanachghar नेपाल बहुजातीय, बहुभाषिक, बहुधार्मिक, बहुसांस्कृतिक तथा भौगोलिक विविधताभित्र एकता भएको देश भएकाले अनेकतामा एकताको सूत्रमा बाँध्न सांस्कृतिक चाडपर्वको प्रमुख भूमिका रहन्छ । संस्कृतिलाई जीवन्त राख्ने माध्यम पनि चाडपर्व हुन् । साउन महिनाको पहिलो दिनलाई साउने संक्रान्ति भनिन्छ । कृषिप्रधान देश नेपालमा अधिकांश नेपालीहरू असार महिनाभरी खेती किसानीमा लाग्ने भएकाले त्यस क्रममा हिलोमैलोले लाग्ने छाला सम्बन्धी रोगबाट बच्न लुतो फाल्ने चलन छ । विधिवत रूपमा पूजापाठ गरी लुतो फाल्नाले रोग निको हुने जनविश्वास रहेको छ । “माघे संक्रान्तिले चाड धपाउँछ, साउने संक्रान्तिले चाड बोलाउँछ” भन्ने उखान नेपाली समाजमा प्रचलनमा रहेको छ । साउने संक्रान्ति पश्चात् हाम्रा ठूलाठूला चाडपर्वहरू शुभारम्भ हुने गर्दछन् । साउने संक्रान्तिलाई लुतो फाल्ने चाडका रूपमा लिइएतापनि नेपालमा बसोबास गर्ने आदिवासी जनजातिहरूले साउने संक्रान्ति पर्वलाई मौलिक चाडका रूपमा आ–आफ्नै विधिपद्धति अनुसार प्रकृतिको पूजा गरी मनाउने प्रचलन छ । जस अन्तर्गत आदिवासी जनजातिमा जनसंख्याको हिसाबले पहिलो स्थानमा रहेको मगर समुदायले साउने संक्रान्तिलाई उधेली पर्वका रूपमा मनाउने गर्दछन् । मगर समुदायले परम्परागत रूपमा उधेली र उभेली गरी दुईवटा ऋतु मान्ने गर्दछन् । जहाँ साउनदेखि पुषसम्म उधेली र माघदेखि असारसम्म उभेली गरी ६/६ महिनाको दुई ऋतुलाई मान्ने गर्दछन् । उधेली ऋतुको सुरुवातसँगै मनाइने साउने संक्रान्ति पर्वले मगर समुदायको सांस्कृतिक पक्षसँग गहिरो सम्बन्ध राख्दछ । सांस्कृतिक संस्थानको नीति र कार्यक्रम अन्तर्गत संस्कृतिभित्रको प्रमुख अवयव सांस्कृतिक चाडपर्वहरूको संरक्षण, संवर्द्धन, प्रवर्द्धन र पुस्तान्तरणका लागि विभिन्न चाडपर्वहरुको स्थलगत रूपमै सहभागी भई क्रियाकलाप सञ्चालन गर्ने उद्देश्य अनुरूप उक्त मौलिक सांस्कृतिक पर्व साउने संकराई पर्व विशेष कार्यक्रममा सहकार्य गरी सभ्य–भव्य ढंगले सम्पन्न गरिएको हो । यस अवसरमा अथार मगरात मगर प्रतिष्ठानद्वारा अथार मगरात क्षेत्रको मौलिक परम्परा, संस्कार, रीतिथिति र चालचलन अनुसार विशेष पहिचानयुक्त संस्कृति प्रदर्शनी तथा विभिन्न जीवजनावर, किराफट्याङ्ग्राका आकारमा तयार पारिएका रैथाने खानाका परिकारहरूको प्रतिस्पर्धासँगै प्रदर्शन गरिएको थियो । मगर समुदायले साउने संक्रान्तिलाई विशेष महान् मौलिक सांस्कृतिक चाड तथा आफूहरूले मान्दै आएका ऋतु परिवर्तनको सूचक स्वरूप समेत यस पर्वलाई मनाउने गर्दछन् । यसरी अनौठो मौलिक संस्कृति बोकेको चाडपर्वको विशेषतालाई नजिकबाट नियालेर यसको संरक्षण, संवद्र्धन, प्रवद्र्धन र पुस्तान्तरण गर्नु सांस्कृतिक संस्थानको प्रमुख जिम्मेवारी भएकोले अथार मगरात मगर प्रतिष्ठानसँग सहकार्य गरी स्थलगत रूपमा सांस्कृतिक संस्थानका कलाकारको विशेष प्रस्तुति र मगर समुदायका विविध संस्कृति प्रदर्शनसँगै सांस्कृतिक संस्थानको आ.व.२०८२/८३ को नीति तथा कार्यक्रम अन्तर्गत समावेश गरिएको पहिलो कार्यक्रम सभ्य–भव्य रूपमा सम्पन्न गरिएको हो । visit our website - www.sanskritiksansthan.gov.np Contact Number - 01-5321194 यस च्यानलमा रहेका गीत, संगीत तथा भिडियोहरु कपि, डाउनलोड गरी अन्य च्यानलमा अपलोड गरेको पाएमा प्रचलित कानुन बमोजिम कडा भन्दा कडा कारबाही गरिनेछ । Embedding to a website is allowed.