أوبريت عشان بلدنا - النسخة الثانية - يناير 2018م

أوبريت عشان بلدنا - النسخة الثانية - يناير 2018م نخبة من أجمل الأصوات لشباب السودان والمخضرمين من المطربين أمثال عبدالقادر سالم حلمنا سلمنا أحزان السنين ناموا كتر خير سلامة النية والقلب الشفيف أحلاموا أعلاموا حلمنا الودو جنياتك يكوسو الحلم في بلاد الغياب رجعوا عصافيراً بلا صبح الله في الحضن الحنان هجعوا ونحنا مقدمين الحزن مغسولين نوايا نضاف عيالك بغناك سجعوا .. سلامات عموم أهلي العلي شرقي الخصيب إذا شرقت شمس العوافي وإن نوت المغيب بساطة أهلي لما تلمهم قهوة في ضل عادي في القعدة أم عناقريب رجالاً يسدو عين شمس الله لو حرت يعكروا ويصفوا والأرواح حليب طمبور (ود) علي وزغرودة أم سبيب فرحك كان شرّق بتان حزنك بغيب نفرح ساي في الله كيتاً في النحيب ولداً يسعى للشر (ركبا) ترا يخيب زراعة الفتن الناس مي أهل سُبّه كلام ده عيب !! .. طمبور (ود) علي وزغرودة أم سبيب فرحك كان شرّق بتان حزنك بغيب سيفك في قفاي قلبي خلاص أبا كان أولى الغريب توه الأرض وحمه على المطر أم صبيب والفرقان عموم روراوة وسكاليب همنا بمشي (كن) لينا في الأفراح نصيب دحين إتفضلوا البلد المطرز جيدا أبنوسه وهشاب ونخل عناق نيلين عديله وزين يرون فينا صي وسهل بلد تشبه تكون للدنيا سلة خير وتبقى السقيا والمأكل شمالاً يكفي إنو شمال وشرقاً كلو خير وأمل جنوباً ليهو وأشواقنا وغرب للكعبة شال محل أهلي الفخري بيهم صح وصح قالوا المعزة أهل يا سلام للسلام والحرب نلعنه يوم ما تصفى النفوس يبقى يوم المُنى دقوا نُقارة غنوا لي بلدي البحبو أنا الحرب بالخراب والدمي الفي التراب ما سمح فوق جبين السمح مسكنه آلبــــــــــلاد .. الولاد لموا فوق الولاد صبحوك (يالولود) لا جنا ولا تنا المسامح كريم والبسوي الفتن أصلو ما مننا الفضل يبقى خير والضرا ما إستطاع للعمار والبناء .. يا بلادي الواجب حماك دين و واجب فوق رقبة جناك جدودنا وصوا نصون الأرض قلنا خير يا العشقك فرض زغردن بالطول والعرض وأمشو فوقا مستورات عرض الخليل في ريدك مِرض يا البريدك لي آخر نبض لي عدوك نقيف ليهو ضد في هواك مافي من يعترض .. هيا علي البلد ويا البعنيك أرح إيدي على إيدين ود عمي وأخوي وبالمعنى الأصح نبنيو كلنا نملاهو بالمرح بلداً نورا ضاوي بترتيل الخلاوي ونغم العطبرواي ونضم خليل فرح .. كلمات وألحان : أحمد البلال الطيب توزيع موسيقي : حسام عبدالسلام فكرة وإنتاج: شكرالله عزالدين التنفيذ الموسيقى: فرقة السودان الموسيقية إخراج : مهيد عباس .. #متابعة_طيبة .. #الأسمر_الكناري