"何媽"(Homa Cooking)分享簡易"菲林芝麻卷"

"何媽"分享簡易"菲林芝麻卷" 材料： 馬蹄粉(洲星) 55克 黑芝麻 55克 冰糖 50克 粘米粉 13克 澄麵 16克 芝麻油 2茶匙 清水 300克/亳升 蒸盤大小 26cmx20cm 溫馨提示： 每次倒入蒸盤前先攪勻粉漿。 菲林芝麻卷的做法： 第一個步驟： 先將黑芝麻用華氏225度/攝氏107度焗30分鐘. 建議：烘焙咗或未烘焙都要焗一焗；芝麻卷會更加香。 第二個步驟：將冰糖同埋水混合之後煲滾後立即關火，等佢自己溶；這樣做唔會消耗水份，以免越煲越少水。 第三步驟：將馬蹄粉、沾米粉、 澄麵粉先攪勻；另外有兩茶匙嘅麻油先落一半再攪勻，留一半掃盆底。 第四個步驟：將已焗好嘅芝麻放涼之後，用機將佢打碎；用機嘅時候最好係唔好將佢打到傑撻撻，只係要將佢打到最幼細嘅粉狀。 第五個步驟：將打好嘅芝麻粉加入之前攪好嘅馬蹄粉再次攪勻。 跟住準備一煲滾水蒸糕用。 第六個步驟：將搞好嘅芝麻馬蹄粉加入以放涼嘅冰糖水放入機用煲湯嘅打法打佢一分鐘（因為每個人嘅攪拌機唔同,所以如果你覺得搞一分鐘係唔夠,你可以自己加時加多一分鐘）搞完之後用篩隔咗啲渣；（所以之前打得越碎越好）篩出嚟嘅渣就會少。篩出嚟嘅淨餘物資係唔要㗎。做完所有嘅步驟應該有420毫升嘅芝麻漿。如果唔夠420毫升或者太少嘅，（輕輕加返少少滾水落去） 第七個步驟：準備兩個盤掃上麻油；呢個份量大概可以做到四盤；記得盛上個盤之前一定要搞底；因為粉狀會沉底。我用嘅係大湯殼，大概每一盤係一大湯殼；做出嚟嘅效果係薄身。 最後步驟：水滾後將盆放入蒸籠內；（記得平放）大火蒸三分鐘。（揭開蓋嘅時候小心倒汗水跌咗落盤度） 想卷得靚要襯熱嘅時候將個頭慢慢捲起小部分；之後要等佢完全放涼五分鐘後才再捲起。效果就會更滑，卷好之後，要美觀啲就將頭尾少許切去；一條大概可以分三份。 可以加少許已烘焙好嘅白芝麻作裝飾。 備註：兩盤可以做六條；如果可以食得曬可以即時將佢完成；如果食唔曬，可以用保鮮紙蓋好芝麻漿放入雪櫃；最多可放兩日。用同樣方法蒸便可。