Izan Lekeitio 700 | Bideoklipa

www. lekeitio700.eus Zazpirehun urte eta gehiago, bela betean ontzia, zarrastadak bihotzean. Kanpandorrea kantari dabil, plazako arbolak koplaka, izurdak bronpadaka. Isuntzaren hondar bustietan altzatu euskuen etxea, altzo zabal eta argia. Sustrai luzeak botaten ditu memoriaren ardorak: POTENS LEKITTO gora! Izan ginanetik izango garenera Talatik hasi eta Portalera, izan Leako izar, isla gainean egin deadar, izan Lekitxo atzo, gaur eta bihar. Farol zaharrak orraztuten dau talaiapean Mahastia, amets eta izerdi gaztea. Zazpirehun kandelatxu biztu Lumentzaren tontorrean, orainaren orrian. Izan ginanetik izango garenera Talatik hasi eta Portalera, izan Leako izar, isla gainean egin deadar, izan Lekitxo atzo, gaur eta bihar. Otzaratxu bat, otzaratxu bi, ujiak Arranegitik, Doña Tomasa eta Terentzio kolpeta datoz gerritik. Anteron txamarrote zuria, bakearen ikurrina: nor bere nortasunaren jaube, danok bat eta bardinak. Zazpi galarrenaren artetik zazpi ballenaren lepoan, beste zazpitan zazpi pasata, kresalezko berbak ahoan. Amandarrira karrabasoak, Eskolapera usoak… Zorionak, txo eta potxua, ta aurrera geure pausoan! Musika: Unai Egia – Aritz Elordieta Hitzak: M.A. Meabe Bideokliparen egilea: Traola Produkzioak