Akhand Rang Adtalisa (48 Path) - અખંડ રંગ અડતાળીસા (૪૮ વાર પાઠ) - Sureshbhai Desai & Chorus

જય દુ:ખહારક રંગદયાળ, તુંજ એક ભકતન પ્રતિપાળ; સાક્ષાત્ દત્તાત્રેય અવતાર, પ્રગટ્યો જગ કારણ નિર્ધાર. પિડિત પામર મનુષાદેહ, શાન્ત પમાડયા નિ:સંદેહ; ટાળ્યાં ભૂત પિશાચ અનેક, ભક્તજનોનો રાખ્યો ટેક. કરી કૃપાદ્રષ્ટિ એક જ વાર, વિપ્ર પુત્રનો ટાળ્યો ભાર; હસતા મુખડે કરી કટાક્ષ, મૂઢ બન્યો જ્ઞાની સાક્ષાત્. દર્દ પીડાતી બ્રાહ્મણ બાઈ, મૃત્યુના મુખમાં હોમાઈ; નિમિત્ત ઔષધ માટી દઈ, કીધી સજીવન તેં સુખ દઈ. એવા કીધાં કંઈ કંઈ કામ, વર્ણવતાં ઘી થાય વિરામ; પતિતોદ્ધારક તારું નામ, રંગ રંગ જય પૂરણકામ્. દ્રવ્ય ગુમાવેલો એ યવન, આવ્યો તુજ પાસે ભગવાન; કરી કૃપા તેની પર ખાસ, પૂરણ કીધી એની આશ. ક્ષય લકવાદિક અસાધ્ય રોગ, કંઈક મટાડયા નિમિત્ત ભોગ; શ્રદ્ધા ભક્તિથી જે ગાય, તેની સ્હાયે તું ગુરુરાય. યવન તણી શ્રદ્ધાને કાજ, દીધાં દર્શન તે ગુરુરાજ; તેલ સુગંધિત તારે કાજ, લઈને ઊભો'તો મહારાજ. રાત્રે સ્વપનામાં જઈ નાથ, તેલ સ્વીકાર્યું તે સાક્ષાત્; એવા દીન દયાળુ નાથ, કેમ ન ઝાલે મારો હાથ? દોડ દોડ ઓ સદગુરુ નાથ ! હું છું તારો દીન અનાથ; તું વિણ મારું કોઈ ન સાથ, શીદ દુભવે છે 'બાળક' તાત? સદભાગી હરગોવિંદદાસ, ભવસાગરથી તાર્યા ખાસ; ધન ધન દાસ કુટુંબ પરિવાર, જેના પર તુંજ કૃપા અપાર. ધન નારેશ્વર રેવાતીર, ધન જ્યાં વાસ કરે મુનિ ધીર; ધન ધન પંખી ધન તે વન, તુજ ચરણોથી થયું પાવન. ધન તે મનુજો ધન તે ભક્ત, જે તુજ ચરણે રહે આસક્ત; ધન તે નેત્રો, ધન તે કાન, કરે તુજ દર્શન, સુણે વાણ. ધન તે જીહવા, ધન તે મુખ, કરે તુજ કીર્તન પામે સુખ; ધન ગુજરાતી ધન ગુજરાત, વાસ કરે જ્યાં દત્ત સાક્ષાત્. પ્રણમું વારંવારે દેવ, તન મન ધનથી કરું નિત સેવ ! જેવો તેવો તો પણ બાળ, દોષ ન જોશો રંગ દયાળ. પરમ સદગુરુ વાસુદેવ, તેને તું વહાલો તત્ખેવ; આવી સ્વપને ઝાલ્યો હાથ; પાંડુરંગ બન્યા સનાથ. વાસુદેવ તણા પ્રિય 'પુત્ર', પાંડુરંગ બન્યા અવધૂત !! નારેશ્વરમાં કીધો વાસ, રંગ નહિ દત્તાત્રેય ખાસ !!! મનુજ કહે તુજને મૂઢ જન, તું છે દત્તાત્રેય ભગવાન; લળી લળી વંદું વારંવાર, તુજ એક ભકતન આધાર. પદ્મ સમાં બે નેત્ર ઉધાડ, દ્રષ્ટિ કર મુજ પર એક જ વાર; નિતનિત ગાઉં તારા ગાન, તું વિણ મારું કોઈ ના આન. અલ્પ મતિથી કરું સ્તવન, સ્વીકારી સુખ દે ભગવન્ ! ધર્યું કમંડળ ડાબે હાથ, કરવા શાંત જનમનાં પાપ. જમણે હાથે ધર્યો દંડ, આણ્યો કામ - ક્રોધનો અંત; પાંવ પાદુકા ખટ ખટ થાય, નાદ સુણી ભૂત ભાગી જાય. નાસે ભૂત પિશાચ અસુર, જ્યાં જાએ તુજ પદરજધૂળ ! ધૂપ દીપ સાથે જે એમ, પઢે બોલે રંગઅડતાળીસા તેમ; નાસે તેનાં કોટિક પાપ, પજવે નહિ એને પરિતાપ; અડતાળીસ રવિવારે એમ, કરે પાઠ અડતાળીસ તેમ. થાએ તેને સઘળે સુખ, લાજ બચાવે રંગ અવધૂત ! વંદે વારંવારે "બાળ", બોલો જય જય રંગ દયાળ... Akhand Rang Adtalisa (48 Path) અખંડ રંગ અડતાળીસા (૪૮ વાર પાઠ) Singar - Sureshbhai Desai & Chorus ગાયક - સુરેશભાઇ દેસાઇ અને કોરસ Producer - Rajubhai Patel Shreyas Sound, Navsari નિર્માતા - રાજુભાઈ પટેલ શ્રેયસ સાઉન્ડ, નવસારી Editor - Hiren Patel #રંગઅડતાળીસા #RangAdtalisa #RangAvdhutBhajan