فقد ابوي - كلمات و اداء : نشمي الشلاحي

تنفيذ - مجاهدالهجله 0554120866 اه من عين من الهم عيت لاتبات اه ياحال العنا لامنام ولا مقيل اه ياقلب من الحزن حاله في شتات عقب فقد ابويه الي تقفاه الرحيل مر عام واقعي واقعي من يوم مات كن ماللحزن غيري عشير ولاقبيل مرعام ويالله الصبر منك والثبات احسبن الحزن لا مرني عابر سبيل اتصدد كل ماراحت العالم وجات صرت اشوف الكون سجني وانا وسطه نزيل وان نشدني داله البال جاوبه السكات مابقالي كثر ماتنشد العربان حيل اتصنع ضحكة ماتعدت للشفاة ادله مع الناس والكبد طاويها الغليل اتذكر يوم ينده عليه بالصلاة واتذكر كم صلاة سجدها جوف ليل اه يانبع الكرم والجمايل والهبات اه يانهر العطا والسخا والسلسبيل مابقالي غير بشته وحلو الذكريات انطوت في ثانيه رحلة العمر الطويل يالله برحمه وغفران منك واحسنات وتسكنه في جنة الخلد والفي الظليل